News
Լրահոս
News
Շաբաթ
Սեպտեմբեր 19
USD
485.26
EUR
574.98
RUB
6.46
ME-USD
0.01
Տեսնել լրահոսը


Կորոնավիրուսի համավարակի ընթացքում Հայաստանում մահացել է 1040 քաղաքացի, և այս մահերի համար պետք է պատասխան տրվի: Դուք ՝որպես պարետ, ինչպե՞ս կմեկնաբանեք այս դառը իրողությունը: ԱԺ հատուկ նիստին ասաց «Բարգավաճ Հայաստան» խմբակցության պատգամավոր Վահե Էնֆիաջյանը՝ դիմելով փոխվարչապետ, պարետ Տիգրան Ավինյանին:

Նա նաև ընդգծեց, որ Հայաստանը տարածաշրջանում առաջին տեղն է զբաղեցնում մեկ միլիոն բնակչության հաշվով վարակվածների թվով. «Սա ուղիղ գնահատական է Ձեր գործունեությանը»:

Տիգրան Ավինյանն արձագանքեց, թե ՀՀ Կառավարությունը, ինչպես և հայտարարել էր, մաքսիմալ թափանցիկ է գտնվել իր բոլոր գործողություններում, ինչպես նաև՝ տեղեկատվության տրամադրման առումով. «Առավել թափանցիկություն, կարծում եմ, ուղղակի հնարավոր չէր ապահովել: Իսկ համավարակի ամբողջական վերացումից հետո ամբողջական գնահատականները կհնչեցվեն: Ես որպես պարետ պատասխանատու եմ այն բոլոր որոշումների համար, որոնք կայացրել եմ և ամբողջ ծավալով: Եվ երբ գա հարցերին պատասխանելու ժամանակը, ես կարծում եմ՝ բոլոր հարցերի պատասխանները կտամ»:

Ինչ վերաբերում է այլ երկրների հետ համեմատականներին՝ Տիգրան Ավինյանն ասաց. «Ես կարծում եմ՝ տարբեր երկրներ ունեն թեստավորման, վարակակիրների բազաների վարման, մահերի թվերի գրանցման տարբեր մեթոդաբանություններ, և այս փուլում համեմատելը մի փոքր դժվար կլինի, բայց երբ կարելի կլինի ասել՝ համավարակը աշխարհով մեկ վերացել է, այդ ժամանակ պատեհ կլինի բոլոր համեմատականները տանել»:

Վահե Էնֆիաջյանը նշեց նաև, թե Հայաստանը տաբեր երկրներից մեծ գումարներ է ստացել, և Տիգրան Ավինյանից հետաքրքրվեց՝ այդ գումարներն ինչ նպատակի համար են ծախսվել, ուր է թափանցիկությունը: Ավինյանն արձագանքեց, թե թափանցիկությունն այնտեղ է, որ երբ նախորդ ամիս Էնֆիաջյանն այդ նույն հարցով դիմել է, ստացել է բոլոր տվյալները: Էնֆիաջյանը հակադարձեց, որ չի ստացել, իսկ փոխվարչապետը պնդեց, թե իր ասածը կարող է ապացուցել «սքրինշոթով». «Սքրինշոթը կարող եմ հանել, ցույց տալ, որ ստացել եք Ձեր հարցման պատասխանը»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կորոնավիրուսից մահացածները եղել են 46 և 88 տարեկան
Վերջիններս ունեցել են ուղեկցող քրոնիկական հիվանդություններ…
Կորոնավիրուսով վարակման 244 նոր դեպք մեկ օրում. մահացել է 2 մարդ
Մեկ օրում առողջացածների թիվը 182 է…
Արցախում կորոնավիրուսի 7 նոր դեպք է հաստատվել
Առայսօր, COVID-19-ը ախտորոշվել է 359 մարդու մոտ, որից 313-ը հաղթահարել է հիվանդությունը…
ԱՀԿ ղեկավարը կոչ է արել համաշխարհային հանրությանը ներդրումներ կատարել նոր համավարակներին պատրաստվելու համար
«Սա թույլ կտա ապահովել, որ այսպիսի ուժգնության եւ ծանրության համավարակ այլեւս երբեք չկրկնվի»․․․
Գվատեմալայի նախագահը վարակվել է կորոնավիրուսով
Մենք կդիմենք ժողովրդին, քանի որ կորոնավիրուսի թեսթի արդյունքը, որը ինձ արել են նախորդ օրը երեկոյան, պարզվեց՝ դրական է․․․
Կորոնավիրո՞ւս, թե՞ դիմակի բիզնես․քաղաքացին դեմ է դպրոցում դիմակ կրելու պարտադրանքին
Կրթության նախարարություն եմ զանգում ոնց որ միջնադար լինի, մեկն ասում է՝ զանգի մյուսին, էն մեկը...