News
Լրահոս
News
Երեքշաբթի
Սեպտեմբեր 22
USD
485.29
EUR
569.58
RUB
6.39
ME-USD
0.01
Տեսնել լրահոսը

Գրեթե մեկ շաբաթ առաջ Բեյրութում տեղի ունեցած ավերիչ պայթյունից անմիջապես հետո ՀԲԸՄ կենտրոնական վարչությունը աշխարհի բոլոր ծագերում անհապաղ հանգանակության կոչեր տարածեց՝ արագացնելու օգնության հատուկ հիմնադրամի միջոցով լիբանանահայերին հասցվելիք աջակցությունը: Ողջ աշխարհից բարերարների և նվիրատուների կողմից անմիջապես ուղարկված առատաձեռն աջակցության շնորհիվ միայն հանգստյան օրերին հանգանակվեց ավելի քան մեկ միլիոն դոլար: Առաջին միլիոնը կրկնապատկվեց ՀԲԸՄ հոգաբարձուների խորհրդի նախագահ Վաչե և Թամար Մանուկյանների կողմից, ովքեր ստանձնեցին հավելյալ հանձնառություն՝ կրկնապատկելու առաջիկա շաբաթների ընթացքում այս հրատապ ջանքերի շնորհիվ գոյացած բոլոր միջոցները:

Առաջին խոշոր՝ 100,000 ԱՄՆ դոլար և ավելի նվիրատվություն կատարողներն էին՝ Էլի և Էլզբիեթա Աքլյանները (ԱՄՆ), Երվանդ Դեմիրճյանը (ԱՄՆ), Հայկ և Էլզա Թիթիզյանները (ՄԹ), Նիկոլ Քուլաջյանը (ԱՄՆ), Լևոն և Կլաուդիա Նազարյանները (ԱՄՆ), Ջոզեֆ և Ջեննի Ուղուրլյանները (ՄԹ), Պերճ և Վերա Սեդրակյանները (ԱՄՆ), Սեմ և Սիլվա Սիմոնյանները (ԱՄՆ), Սինան և Անժել Սինանյանները (ԱՄՆ) և մեկ անանուն նվիրատու (ԱՄՆ):

ՀԲԸՄ-ն երախտագիտություն է հայտնում բոլոր բարերարներին, ինչպես նաև մեր հրաշալի նվիրատուներին, այդ թվում՝ աշխարհի տարբեր անկյուններում ապրող երիտասարդ պրոֆեսիոնալներին ու համախոհներին:

«Մենք հիացած ենք մեկ շաբաթից էլ պակաս ժամանակահատվածում գնալով ավելացող տպավորիչ նվիրատվություններով», - նշեց ՀԲԸՄ նախագահ Պերճ Սեդրակյանը: «Մեր համատեղ ուժերով է, որ կարող ենք արձագանքել առկա կարիքներին՝ ՀԲԸՄ Աղետների արձագանքման ստորաբաժանման կողմից տեղերում աննախադեպ կամավորական գործունեության շնորհիվ»:

ՀԲԸՄ-ն դիմում է աշխարհասփյուռ հայությանը՝ կոչ անելով անհետաձգելի ու առատաձեռն նվիրատվությունների միջոցով փրկօղակ նետել Լիբանանի իրենց հայրենակիցներին, որը կօգնի առավելագույնս օգտվել նվիրատվությունները կրկնապատկելու այս հնարավորությունից:

Նկատի առնելով փոստով նվիրատվություններ կատարելու հետ կապված ներկայիս բարդությունները՝ խնդրում ենք նվիրատվությունները կատարել առցանց կամ հեռախոսով: Նյու Յորքի Citibank-ում ստեղծված օգնության հիմնադրամի և վերջինիս նպատակների մասին հավելյալ տեղեկատվություն կարող եք ստանալ www.agbugiving.org/lebanon կայքէջից կամ զանգահարելով 212-319-6383 հեռախոսահամարով (երկուշաբթիից ուրբաթ օրերին՝ Նյու Յորքի ժամանակով առավոտյան 9-ից մինչև երեկոյան 5-ը): Էլեկտրոնային փոխանցումների համար գրե՛ք հետևյալ էլ. հասցեով. [email protected]:

!
Այս նյութը հասանելի է նաև   English
Տպել
Կարդացեք նաև
Ամբողջը
Պաշտոնեական չարաշահումներ Արտաշատի գեղարվեստի դպրոցի շինությունների և տարածքի օտարման գործընթացներում
Հակակոռուպցիոն ժողովրդական վերահսկողության միության կողմից ՀՀ գլխավոր դատախազին գրություն է հասցեագրվել այն մասին, որ Արտաշատ քաղաքի նախկին և…
Իսակովի պողոտայում բախվել են MAN բեռնատարն ու Toyota-ն. կա վիրավոր
Օպերատիվ են գործել փրկարարները, բժիշկներն ու ճանապարհային ոստիկանները…
«ՎԱԶ 2107»-ի վարորդը Էջմիածին-Աշտարակ ճանապարհին վրաերթի է ենթարկել հետիոտնին, վերջինս տեղում մահացել է (ֆոտո)
Դեպքի վայրում հավաքվածները նշում էին, որ «07»-ի վարորդի ինքնազգացողությունը վատացել է, և նրան տեղափոխել են «Վաղարշապատ» բժշկական կենտրոն...
Վանաձորում 30-ամյա կինը տուն է վարձակալել, այնտեղ հրավիրել 28-ամյա տղամարդուն եւ… շորթում կատարել
Մինչդատական վարույթում իրականացված քննչական և այլ դատավարական գործողությունների արդյունքում պարզվել են դեպքի մի շարք հանգամանքներ…
Պերուական Անդերում 433 կգ կոկաին է հայտնաբերվել
Աշխարհի կոկայի տնկադաշտերի ավելի քան 90 տոկոսը կենտրոնացած է այսպես կոչված «Անդյան թմրանյութերի եռանկյան» մեջ...
ԱԱԾ-ն բացահայտել է Արաբկիրի նախկին թաղապետի կողմից կոռուպցիոն մեխանիզմների գործադրման և խարդախության դեպքեր
Այսպիսով՝ պաշտոնատար անձանց կողմից իրենց պաշտոնեական դիրքը ծառայության շահերին հակառակ օգտագործելու…