Xiaomi ընկերությունը ներկայացրել է Mi TV LUX Transparent Edition- ը՝ սարք, որը նրա ստեղծողները անվանում են աշխարհի առաջին սերիական թափանցիկ հեռուստացույցը: Շնորհիվ թափանցիկ էկրանի, որը չունի արտաքին շրջանակներ, պատկերը կարծես օդում կախված լինի, հայտնում է Popmech-ը:
Նոր հեռուստացույցն ունի 55 դյույմանոց թափանցիկ OLED էկրան, ըստ Xiaomi-ի հայտարարության, ունի ստատիկ կոնտրաստի 150000: 1 գործակից եւ դինամիկ կոնտրաստի անսահմանափակ գործակից, որն ապահովում է չափազանց հագեցած սեւ գույն եւ պատկերի բարձր պայծառություն: Էկրանի թարմացման հաճախականությունը 120 Հց է, գույնի խորությունը՝ 10 բիթ, եւ ընդգրկում է DCI-P3 գունային տարածքի 93%-ը: Էկրանն արտացոլում է 1,07 միլիարդ գունային համադրություններ, ինչը դուրս է այն շրջանակից, որը կարող է ընկալել մարդու աչքը։
Նոր հեռուստացույցի էկրանի արձագանքման արագությունը 1 մվ է, իսկ պատկերի որակը բարձրացվում է MEMC-ի շարժման փոխհատուցման տեխնոլոգիան: Նշվում է, որ Mi TV LUX թափանցիկ Edition-ը աշխատում է հատուկ նորույթի համար ստեղծված MediaTek 9650 չիպով, որն ունի օպտիմալացման ավելի քան 20 ալգորիթմներ եւ օգտագործման 5 սցենարներ:
Լավագույն հնչունավորման համար օգտագործվել է Dolby Atmos տեխնոլոգիան՝ արհեստական բանականության հետ համատեղ, որը որոշում է ձայնային համապատասխան ռեժիմը՝ կախված ձայնարկվող բովանդակության տեսակից` կինոնկարներ, սպորտային հաղորդումներ, նորությունների թողարկումներ եւ այլն:
