News
Լրահոս
News
Չորեքշաբթի
Սեպտեմբեր 23
USD
485.42
EUR
568.62
RUB
6.36
ME-USD
0.01
Տեսնել լրահոսը

ՌԴ եւ Ֆրանսիայի նախագահներ Վլադիմիր Պուտինն ու Էմանուել Մակրոնը քննարկել են կորոնավիրուսը, Լիբանանի, Բելառուսի, Ուկրաինայի իրավիճակը:

Կրեմլի մամուլի ծառայության հաղորդմամբ՝ Մակրոնը կիսվել է Լիբանան կատարած այցի մասին տպավորություններով:

Կարծիքներ են փոխանակվել Լիբանանում ներքաղաքական իրավիճակի շուրջ, ռուսական կողմը հայտնել է իր հակվածությունը հանրապետության ինքնիշխանության եւ ազգային միասնականության պահպանմանը: Հատկապես նշվել է բոլոր վիճելի հարցերը կառուցողական երկխոսության, առանց արտաքին միջամտության լուծելու կարեւորությունը:

Քննարկվել են նաեւ ներուկրաինական հակամարտության կարգավորման ասպեկտները, գնահատական է տրվել հուլիսի 22-ին Մինսկի կոնտակտային խմբի կողմից ստորագրված «հրադադարի ռեժիմի խստացման միջոցառումներին»:

ՌԴ նախագահը կրկին նշել է Ուկրաինայի կողմից Մինսկի համաձայնագրով իր պարտավորությունների կատարման կարեւորության մասին:

Բացի այդ, քննարկվել է Բելառուսում տիրող իրավիճակը:

Երկկողմ օրակարգի համատեքստում նշվել է փոխադարձ հետաքրքրվածությունը՝ քաղաքական, առեւտրատնտեսական եւ մարդասիրական ոլորտներում հարաբերությունները զարգացնելու գործում: Հատկապես նշվել է հետագա համագործակցության կարեւորությունը կորոնավիրուսի դեմ պայքարի համատեքստում:  

!
Այս նյութը հասանելի է նաև   English and Русский
Տպել