Հայաստանի ազգային արխիվի տնօրեն Ամատունի Վիրաբյանի դեմ հանցագործության մասին հաղորդում ներկայացնելը զրպարտություն է։ Այս մասին NEWS.am-ի հետ զրույցում ասաց Ամատունի Վիրաբյանը։
Նշենք, որ ««Ժողովուրդ» օրաթերթի տեղեկություններով` Ամատունի Վիրաբյանի մասով ՀՀ գլխավոր դատախազություն հանցագործության մասին հաղորդում է ներկայացվել, որն ավելի ուշ ուղարկվել է ոստիկանության Արաբկիրի բաժին՝ հետաքննություն իրականացնելու համար:
Մասնավորապես, Ռուսաստանում բնակվող հայ քաղաքացի Արմեն Գրիգորյանը դիմել է ՀՀ գլխավոր դատախազությանը եւ հայտնել, որ իր թոշակի եւ իր աշխատանքային ստաժի հարցով դիմել է Հայաստանի ազգային արխիվի տնօրեն Ամատունի Վիրաբյանին եւ վերջինս իրենից իր աշխատանքային գործունեության մասին տեղեկություններ տրամադրելու համար գումար է պահանջել:
«Ոստիկանությունում է գործը, նյութեր են նախապատրաստվում։ Ես դեկտեմբերին եմ իբրեւ իրենից ինչ-որ բան պահանջել։ Ես պաշտոնական 2 հատ տեղեկանք ՌԴ ուղարկել եմ, որ իր մասին փաստաթուղթ չկա եւ չենք կարող տրամադրել. մեկը ուղարկել եմ հուլիս ամսին, մյուսը՝ դեկտեմբեր։ Երեւի իրեն թոշակ չեն նշանակել, որոշել է՝ ես եմ մեղավոր»,- ասաց նա։
Վիրաբյանն ասաց, որ այս պահին պատրաստվում է գնալ Ոստիկանություն. «Չգիտեմ՝ ինչ նյութեր են Ոստիկանությունում նախապատրաստվում»։
