Բելառուսում չարտոնված ակցիաների մասնակցելու համար օգոստոսի 12-13-ին ձերբակալվել է մոտ 700 մարդ: Այս մասին Թելեգրամի իր ալիքում գրել է Բելառուսի ՆԳՆ մամուլի քարտուղար Օլգա Չեմոդանովան:
Նա նշել է, որ բախումների ժամանակ տուժել է 130 իրավապահ, որոնցից 28-ը հոսպիտալացվել է:
Երեկ Մինսկում եւ Բարանովիչներում կրկին բախումներ են տեղի ունեցել: Իրավախախտներին կանգնեցնելու համար իրավապահները զենք են կիրառել:
Բացի այդ, Մինսկում ՕՄՕՆ-ի աշխատակիցները ձերբակալել են 18 եւ 19 տարեկան 2 երիտասարդի, որոնք շշերի մեջ այրվող խառնուրդ են լցրել: