News
Լրահոս
News
Հինգշաբթի
Մարտ 28
Տեսնել լրահոսը

Արագած լեռան լանջին թաքնված է Հայաստանի ճարտարապետական ​​պատմության գանձերից մեկը՝ Ամբերդի ամրոցը, որի վսեմ ուրվապատկերը ոչնչի հետ չես շփոթի:

Արագածի հետ ծանոթությունը պետք է սկսել Ամբերդից: Արագածի հարավային գագաթի բարձրությունը 3879 մ է, հյուսիսային գագաթի բարձրությունը՝ 4090 մ: Ամրոցը գտնվում է ճանապարհի կեսին, ծովի մակարդակից 2300 մ բարձրության վրա, Երեւանից 600 մ բարձրության վրա:

Ասֆալտապատված ճանապարհն անցնում է գեղատեսիլ տեղանքով՝ ալպիական մարգագետիններ, նեղ մայրուղիներ, վրաններ, որոնք ամռանը տեղադրում են Արագածի լանջերին: Լեռների երեխաները ձեզ կառաջարկեն ծաղիկներ՝ Օստապ Բենդերի եւ Կիսա Վորոբյանինովի նման պահանջելով՝ «փող տուր, փող տուր»: 

Ամբերդի՝ հեռվից տեսանելի սեւ պատերը՝ պարուրված հայկական եռագույնով, ռոմանտիկ տրամադրություն են ստեղծում: Մտքում պատկերվում են ձիավորներ, ամրոցում ապրող հիասքանչ կանայք երկարափեշ զգեստներով: Միգուցե, գիշերները ամրոցի միջանցնքերով ուրվականներ են թափառել…

Իրողությունը, ինչպես միշտ, շատ ավելի թափանցիկ է: Նորարարություններից մեկն այն է, որ այժմ հուշարձան այցը վճարովի է, ՀՀ քաղաքացիների համար՝ 700 դրամ, արտասահմանցիների համար՝ երկու անգամ ավելի թանկ: Ընդ որում, տեղեկատվական վահանակները շատ ավելի քիչ են, քան կցանկանայինք տեսնել:

Ամբերդի ամրոցը կառուցվել է 7-րդ դարում Կամսարական իշխանների կողմից համանուն գետի կիրճում: Հաջորդ 6 դարերի ընթացքում ամրոցը փոխել է իր տերերին՝ ենթարկվելով հարձակումների, փլուզվել է եւ կրկին կառուցվել: Վերջին տերերն են եղել Բագրատունի իշխանները: 1236 թվականին ամրոցը վերջնականապես փլուզվել է մոնղոլների կողմից եւ լքված մնացել 700 տարի՝ մինչեւ 1936 թվականի պեղումները:

Ապշեցուցիչ է ամպրոցի պատերի ամրությունը:

Ամրոցի տարածքում գտնվող եկեղեցին թվագրվում է 11-րդ դար: Ամրոցում եղել է կավե ջրատար խողովակ, որով ջուր է մատակարարվել 4-5 կմ հեռավորությունից: Պաշարման դեպքում նախատեսված են եղել գաղտնի մուտքեր, ջրի եւ սննդի պաշարներ: Հնագետները ենթադրում են, որ եռահարկ ամրոցը կարող է հպարտանալ իր ներքին շքեղ հարդարանքով:

Լիճ հասնելու համար պետք է տաք վերնահագուստ ունենալ, նույնիսկ հուլիսին այստեղ կարող է բավականին ցուրտ լինել: Ճանապարհը գնալով նեղանում է, մեքենաներն ընթանում են ճանապարհաեզրով:   

Արագածի եւս մեկ տեսարժան վայր է հայտնի Բյուրականի աստղադիտարանը: Ցանկացողները կարող են աստղադիտարան էքսկուրսիայի գնալ, սակայն դա արդեն այլ պատմություն է:     

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գրքերի ուշագրավ աշխարհ. Հայաստանի խոշորագույն գիտական գրադարանն 85 տարեկան է (ֆոտո)
Դարակների բարեկազմ, հանդիսավոր շարքեր, գրքերի հատկորոշիչներ, ճռճռացող աստիճաններ…
Մեծամոր. հնագույն իշխանության ծաղկող մայրաքաղաքը (ֆոտո)
Այդ վայրում անցկացված պեղումները տվել են ուշագրավ արդյունք…
Անցած դարերի ժառանգություն. թուրքմեն էմիրի դամբարան Երեւանի արվարձանում (ֆոտո)
Դամբարանը կառուցվել է 15-րդ դարում...
Երկաթուղային տեխնիկայի թանգարան՝ Գյումրիում․ Հնի եւ նորի միավորում (ֆոտո)
Թանգարանը ստեղծվել է չորս տարի առաջ․․․
NEWS.am-ի նոր նախագիծը՝ ՖԻՖԱ-ի Աշխարհի Գավաթին ընդառաջ
Գործակալությունը գործարկում է ֆուտբոլի աշխարհի առաջնության հատուկ էջը...
Հայկական դիվիզիաները Մեծ հայրենական պատերազմում՝ Կովկաս, Ստալինգրադ, հաղթական քոչարի Ռեյխսթագի պատերի տակ (Ֆոտո)
Պահպանվել են վավերագրական կադրեր, թե ինչպես են հայ զինվորները հաղթական քոչարի պարում Ռեյխսթագի պատերի մոտ․․․
Ամենաշատ