Բելառուսում գործադուլ են սկսել «ԲԵԼԱԶ» եւ «Գրոդնո Ազոտ» գործարանների աշխատակիցները, հաղորդում է Tut.by-ը:
Ընդ որում, ձեռնարկությունների ղեկավարությունը հայտարարում է, որ հանդիպում է անցկացնում աշխատակիցների հետ, եւ գործադուլի մասին հայտարարությունները հերքում է:
«Այս պահին ձեռնարկության ղեկավարությունը հանդիպում է անցկացնում իր աշխատակիցների հետ, որոնք կարող են երկրում կատարվող իրադարձությունների վերաբերյալ ցանկացած հարց ուղղել: Արտադրությունը շարունակում է աշխատել, ոչինչ կանգ չի առել»,-հայտնել է «ԲԵԼԱԶ»-ի մամուլի ծառայությունը:
Մինսկում եւ այլ քաղաքներում գործադուլ են անցկացնում նաեւ այլ ձեռնարկությունների աշխատակիցներ:
Սոցցանցերում հայտնվել են գործադուլներից տեսանյութեր եւ լուսանկարներ: Մարդիկ հեռանում են աշխատավայրերից եւ պահանջում հանդիպումներ ձեռնարկությունների ղեկավարների հետ: