News
Լրահոս
News
Կիրակի
Սեպտեմբեր 20
USD
485.26
EUR
574.98
RUB
6.46
ME-USD
0.01
Տեսնել լրահոսը


Նախարար Ռոմանոս Պետրոսյանն աշխատանքային հանդիպում-քննարկում է անցկացրել Դիլիջան ազգային պարկի աշխատակազմի հետ եւ իր դժգոհությունն է արտահայտել ազգային պարկի աշխատանքների որակի վերաբերյալ։ Այս մասին  հայտնում է նախարարի մամուլի խոսնակ Դավիթ Գրիգորյանը:

Հողային խնդիրների վերհանման, սահմանազատումների, Երևան-Թբիլիսի միջպետական ավտոճանապարհի Դիլիջանի ոլորանների հատվածներում իրականացված ապօրինի շինաշխատանքների ու կառուցապատումների վերացման գործում ազգային պարկը պարտավոր է լինել հետևողական և խնդիրները լուծել կարճաժամկետ հեռանկարում՝ օպերատիվ միջոցներով և ուղիղ միջամտությամբ։

Օրենքի գերակայության վերականգնումն առաջնային խնդիր է, որ նախարար Պետրոսյանը դրեց ազգային պարկի աշխատակազմի առաջ։

Նախարար Պետրոսյանը հավաստիացրեց, որ չկա ու չի կարող լինել որևէ արտոնյալ, ով իրավունք կունենա կամայականորեն օգտագործել ազգային հարստությունը՝սեփական, նեղ անձնական շահերի համար։

Նախարարի պնդմամբ  անտառները պետք է լինեն անձեռնմխելի, իսկ յուրաքանչյուր ապօրինություն, որ վնասում է շրջակա միջավայրին և բնությանը՝ պատժվի:

Շրջակա միջավայրի նախարարը կոչ է արել պաշտպանել բնության հատուկ պահպանվող՝ Դիլիջան ազգային պարկի ենթակայության տարածքները, ձևավորել թիմայի ու միակամ աշխատաոճ։

!
Այս նյութը հասանելի է նաև   Русский
Տպել