Մեծ Բրիտանիայի արտաքին գործերի նախարար Դոմինիկ Ռաաբը հայտարարել է, որ Մեծ Բրիտանիան չի ճանաչում Բելառուսում տեղի ունեցած ընտրությունների արդյունքները:
«Աշխարհը սարսափով հետեւում է Բելառուսի իշխանությունների կողմից խաղաղ ցուցարարների դեմ կիրառվող բռնություններին, որոնք տեղի ունեցան նախագահական կեղծված ընտրություններից հետո: Մեծ Բրիտանիան չի ճանաչում ընտրությունների արդյունքները: Մենք պետք է ԵԱՀԿ-ի օգնությամբ անկախ հետաքննություն անցկացնենք: Մեծ Բրիտանիան կաշխատի իր միջազգային գործընկերների հետ՝ Բելառուսում տեղի ունեցող իրադարձությունների համար պատասխանատուների դեմ պատժամիջոցներ սահմանելու ուղղությամբ»,-ասել է նա:
