Երեքշաբթի Ֆիլիպինների կենտրոնական մասում տեղի է ունեցել 6,6 մագնիտուդով երկրաշարժ, հայտնում է AFP-ն։
ԱՄՆ Երկրաբանական ծառայությունը հայտնում է, որ երկրաշարժը տեղի է ունեցել Մասբատե քաղաքի հարավ-արեւելքում, տեղական ժամանակով 08:03-ին։
Բազմաթիվ շենքեր են վնասվել։
Տեղական ռադիոյի լրագրող Քրիսթոֆեր Դեկամոնը հայտնել է, թե տեսել է ինչպես են շտապօգնության աշխատակիցները եռահարկ շենքի փլկատակների տակից հանում մի տղամարդու մարմինը։
Նշվում է, որ երկրաշարժի զոհի կինը ողջ է մնացել։
Ոստիկանությունից հաստատել են մեկ մարդու մահը։ Այս պահին այլ զոհերի մասին չի հաղորդվում, իրականացվում են որոնողափրկարարական աշխատանքներ։
Լրագրողը նաեւ հայտնել է, որ երկրաշարժի պահին իրենք ուղիղ եթերում էին եւ շենքից անմիջապես դուրս են վազել։