Մոտ 120 մլն տուրիստական գործակալ կկորցնի աշխատանքը կորոնավիրուսի պատճառով: Այս մասին, ՌԻԱ Նովոստիի հաղորդմամբ, ասել է ՄԱԿ-ի գլխավոր քարտուղար Անտոնիու Գուտերիշը:
«Տուրիզմի ոլորտում աշխատում է Երկրի վրա յուրաքանչյուր 10-րդ մարդ»,-ասել է նա:
Նա նշել է, որ կորոնավիրուսի պանդեմիան սնանկացնում է տուրիստական ոլորտը:
Գուտերիշի խոսքով՝ այս տարվա առաջին 5 ամիսներին միջազգային տուրիստական հոսքերը կրճատվել են գրեթե կիսով չափ, իսկ միջազգային տուրիստական ծառայություններից եկամտի անկումը կազմել է գրեթե 320 մլրդ դոլար:
«Սպառնալիքի տակ է գտնվում տուրիզմի ոլորտում մոտ 120 մլն աշխատատեղ: Ոլորտում աշխատակիցների մեծ մասը կանայք եւ երիտասարդներ են»,-նշել է Գուտերիշը:
