ՄԱԿ-ի ԱԽ-ն չի ձեռնարկի գործողություններ Իրանի դեմ ՄԱԿ-ի պատժամիջոցները վերականգնելու մասին ԱՄՆ-ի հայտարարության կապակցությամբ, հաղորդում է Reuters-ը։
ՄԱԿ-ում Ինդոնեզիայի դեսպան Դայան Տրիանսյախ Ջանին, որը ներկայում նախագահում է ՄԱԿ-ի ԱԽ-ն, հայտարարել է, որ Անվտանգության Խորհուրդը «չի կարող ձեռնարկել հետագա գործողություններ» Իրանի դեմ ՄԱԿ-ի բոլոր պատժամիջոցները վերականգնելու ԱՄՆ-ի փորձի կապակցությամբ, քանի որ չկա համաձայնություն դրա 15 անդամների միջեւ։
Ավելի վաղ խորհրդի 13 անդամներ անհամաձայնություն են հայտնել ԱՄՆ-ի գործողությունների շուրջ՝ հայտարարելով, որ Վաշինգտոնի այդ քայլն անվավեր է՝ հաշվի առնելով, որ նա օգտագործում է գործընթացը, որը համաձայնեցված է Իրանի եւ համաշխարհային գերտերությունների միջեւ 2015 թվականի միջուկային գործարքի շրջանակում, որից ԱՄՆ-ը հրաժարվել է երկու տարի առաջ։