ԱՄՆ նախագահ Դոնալդ Թրամփը հայտարարել է, որ իր մրցակից Ջո Բայդենից կպահանջի առաջին դեբատներից առաջ թմրանյութերի առկայությունը ստուգող թեստ հանձնել, գրում է Washington Examiner-ը:
Դեբատները կկայանան սեպտեմբերի 29-ին:
Օվալաձեւ գրասենյակում հարցազրույցի ժամանակ Թրամփը կասկած է հայտնել, որ Բայդենի մոտ դեբատների ցուցանիշները կբարելավվեն: Ընդ որում, նա որեւէ ապացույց չի ներկայացրել:
Բայդենը փրայմերիզների ընթացքում մասնակցել է 11 դեբատների: Դրանցից վերջիններն անցկացվել են մարտի 15-ին Բայդենի եւ սենատոր Բեռնի Սանդերսի մասնակցությամբ:
«Ոչ ոք չի մտածում, թե նա կարող է հաղթել: Դեբատներին նրա ելույթներն այնքան վատն էին: Անկեղծ ասած՝ նրա լավագույն ելույթը եղել է Բեռնիի դեմ: Մենք պատրաստվում ենք նրանից պահանջել, որպեսզի թմրանյութերի առկայությունը ստուգող փեստ հանձնի: Այնպես չէ, որ նա Ուինսթոն Չերչիլ էր, բայց դրանք նորմալ, ձանձրալի դեբատներ էին»,-ասել է ԱՄՆ նախագահը:
