Բրիտանական Rolls-Royce ընկերությունը հայտարարել է այս տարվա առաջին կիսամյակում ռեկորդային վնասի մասին՝ 5,4 մլրդ ֆունտ սթեռլինգ (ավելի քան 7,1 մլրդ դոլար), հաղորդում է ՏԱՍՍ-ը:
Ավելի վաղ ընկերությունը հաստատել է, որ Նոթինհեմփշիրում եւ Լանքաշիրում փակել է իր երկու գործարանները՝ Մեծ Բրիտանիայում մինչեւ 3000 աշխատատեղ կրճատելու շրջանակում:
Ընդհանուր առմամբ ընկերությունը մտադիր է կրճատել աշխարհում 9000 աշխատատեղ:
Ընկերության գործադիր տնօրեն Ուորեն Իսթը BBC-ին հայտնել է, որ այս տարի Rolls-Royce-ը լքել է 4,5 հազար մարդ:
Rolls-Royce-ն աշխարհում ամենախոշոր ավիացիոն շարժիչներ արտադրող ընկերություններից է: Ընկերությունում աշխատում է մոտ 52 000 մարդ, նրանցից 23 000-ը՝ Մեծ Բրիտանիայում: