Ford-ի Old Continent ստորաբաժանումը ներկայացրել է P1 վիրտուալ սուպերքարի վերջնական դիզայնը, որը մշակվել է խաղացող-համայնքի հետ համագործակցության արդյունքում: Մեքենայի արտաքինն ընտրվել է քվեարկության միջոցով, եւ մեծ տարբերությամբ հաղթել է Ford-ի դիզայներներից մեկի՝ Արտուրո Արինյոյի նախագիծը՝ ստանալով ձայների 83,8 տոկոսը, գրում է Motor-ը:
Ավտոմեքենայի ստեղծմանը մասնակցել են Ֆրանսիայի, Գերմանիայի, Իտալիայի, Իսպանիայի եւ Մեծ Բրիտանիայի հինգ կիբեռսպորտային թիմերի ղեկավարները, որոնք հանդես են գալիս Fordzilla ապրանքանիշի ներքո: Ford-ն, իր հերթին, սոցիալական ցանցերում դիզայնի եւ տեխնիկական հագեցվածության հարցերով խորհրդակցել է խաղացողների հետ: Դիզայնը հաստատվել է միայն 250 հազար ձայն մշակելուց հետո:
Վիրտուալ P1-ը ֆուտուրիստական տեսք ունի՝ ամբողջովին ապակեպատ տանիքի ցածր գծի, անվային խոշոր կամարների (ընդ որում՝ հետեւի անիվները կիսով չափ փակ են) հաշվին: Սուպերքարը գոյություն կունենա ոչ միայն եռաչափ համակարգչային մոդելի տեսքով՝ Ford-ն այժմ Գերմանիայի Քյոլն քաղաքում լիարժեք չափսի մոդել է կառուցում: