Կորոնավիրուսից հետո պետք է ամեն ամիս մարդկանց տան իրենց աշխատավարձի գոնե 75 տոկոսի չափով աջակցություն, ոչ թե միայն մեկ անգամ 60 հազար դրամ: Այս մասին, այսօր՝ Կոտայքի մարզում ԲՀԿ տարածքային կառույցի հետ հանդիպման ժամանակ նշեց ԲՀԿ ղեկավար Գագիկ Ծառուկյանը:
«Որովհետեւ պետությունն է որոշում կայացրել եւ արգելել մարդկանց աշխատել: Օրավարձով աշխատողներին էլ պետք է տային 60 հազար դրամ, այնքան ժամանակ, մինչեւ արտակարգ իրավիճակը կվերանա: Բյուջեի գումարն օդից չի գալիս, դա ժողովրդինն է, որը ճիշտ նպատակին պետք է ծաայի»,-ասաց նա:
Ծառուկյանն անդրադարձավ նաեւ ազատամարտիկների խնդրին՝ նշելով, որ պետությունը պետք է բյուջեում գումար հատկացնի ազատամարտիկերին, արտոնություններ տա՝ անկախ նրանից, նրանք հաշմանդամը են դարձել, թե առողջ են մնացել:
«Ես հենց առաջին օրից ասել եմ, որ համաճարակի դեմ պայքարը անարդյունք ու անպտուղ է: Ամենավատ թվերը մեզ մոտ են, դրա համար էլ չեն թողնում որեւէ տեղ մեկնեն մեր քաղաքացիները: Համաճարակի դեմ միջոցներն իրենց ճճիշտ նպատակին չեն ծառայում: Մարդիկ մարզերում տներում նստած են, ոչ հիվանդանքոցում տեղ կա, ոչ էլ նրանց աջակցության, բուժման կա: Այսօր արդեն 1150 մարդ է մահացել»,-ընդգծեց նա:
Ծառուկյանն անդրադարձավ նաեւ սպանդանոցների խնդրին՝ նշելով, որ պետությունը պետք է սուբսիդավորի ոլորտը. «Շատ լավ է, որ կան սպանդանոցներ, բայց պետությունը պարտավոր է սպանդանոցներին սուբսիդավորել առաջին 2 տարին: Առանց դրա հարցը չի լուծվի: Մենք ԱԺ-ում այդ հարցը եւս մեկ անգամ կբարձրացնենք»:
Ժառուկյանը համարում է, որ Հայաստանում բանկային համակարգ չկա, դա լոմբարդային համակարգ է. «Մարդն իր ունեցվածքը գրավ է դնում, տալիս են բնակարանի ոչ թե 80 տոկոսի, այլ 30 տոկոսի չափով գումար: Այս համաճարակի ժամանակ պետությունը պետք է բանկերին սուբսիդավորի: Եվ ոչ թե պետք է մարդկանց վարկային արձակուրդ տրվի, այլ պետք է ներում շնորհվի:
