Լիբանանի իրավապահ մարմինները ձերբակալել են երեք եգիպտացու, որոնք որոնվում էին իրենց հայրենիքում 6 տարի առաջ Կահիրեի 5-աստղանի հյուրանոցում կատարված խմբակային բռնաբարության համար, հաղորդում է Associated Press-ը։

Հանցագործները ձերբակալվել են շաբաթ երեկոյան՝ համաձայն Ինտերպոլի ծրագրի շրջանակում Եգիպտոսի հարցմանը։

Լիբանանում պաշտոնական անանուն աղբյուրը հայտնել է տեղեկատվական գործակալությանը, որ կասկածյալները շուրջ 30 տարեկան են, եւ առաջիկայում նրանց կարտաքսեն հայրենիք։

Հանցագործությունը մեծ հնչեղություն էր ստացել սոցցանցում օգտահաշվի շնորհիվ։ Հանցագործությունը կատարվել է 2014 թվականին, սակայն այդ մասին հայտնի էր դարձել միայն այս տարվա հուլիսին սոցցանցերում #MeToo արշավի շնորհիվ։

Անցած ամիս Եգիպտոսի դատախազությունը հրապարակել էր սարսափելի հանսագործության մեջ ինը կասկածյալի անուններ։ Ընդ որում՝ նրանցից յոթը լքել էին երկիրը, երբ գործը դեռեւս նոր էր հնչեղություն ստանում։

Ավելի ուշ կասկածյալների մեծ մասին հաջողվել էր ձերբակալել։