Խաղաղ օվկիանոսում սկիզբ առած Maysak թայֆունն այժմ գտնվում է Թայվանի մերձակայքում եւ շարունակում է շարժվել դեպի հյուսիս 30 կմ/ժամ արագությամբ: Դրա կենտրոնում ճնշումն ընկել է, քամին ուժգնացել է մինչեւ 60 մ/վ:
Առաջիկա ժամերին մթնոլորտային հորձանուտը կհասնի Ճապոնիայի ամենահարավային կղզի` Օկինավա, այնուհետեւ կմտնի Արեւելաչինական ծով: Շանհայում նույնպես պատրաստվում են թայֆունին: Չինաստանի Չժեցյան նահանգի իշխանությունները ծովում գտնվող բոլոր ձկնորսական նավերին խնդրել են վերադառնալ նավահանգիստներ, հայտնում է ՏԱՍՍ-ը:
Ի դեպ, Maysak-ն այս սեզոնի առաջին սուպերթայֆունը կդառնա, որն ազդեցություն է ունեցել եղանակի վրա Ասիական-խաղաղօվկիանոսյան տարածաշրջանում:
