Թուրքիան խոչընդոտում է ՄԱԿ-ի խաղաղարար գործունեությանը: Այս մասին այսօր՝ սեպտեմբերի 2-ին, մամուլի ասուլիսի ժամանակ հայտարարեց ՀՀ ԱԳՆ մամուլի խոսնակ Աննա Նաղդալյանը:
Մեկնաբանելով գերմանական մամուլում հայտնված հրապարակումը, որում ասվում է, որ Երեւան մեկնող գերմանական ինքնաթիռի թռիչքն արգելվել է թուրքական օդային տարածքում, նա նկատեց, որ պաշտպանության նախարարությունը տեղեկությունը չի հերքել:
«Արժանի է դատապարտման այն, որ Թուրքիան խոչընդոտում է ՄԱԿ-ի խաղաղարար գործունեությանը՝ ելնելով հայաֆոբիայից»,-նշեց Նաղդալյանը՝ հավելելով, որ հարցը բարձրացվել է արտասահմանցի գործընկերների հետ քննարկումներում:
Միջադեպը տեղի է ունեցել հուլիսին, երբ ինքնաթիռը Երեւան էր մեկնում, որպեսզի հետ տաներ Աֆղանստանում գերմանական կոնտինգենտի կազմում մասնակցած խաղաղապահ առաքելության խաղարարներին: Spiegel-ի հաղորդմամբ՝ արգելքի պատճառով ինքնաթիռը ստիպված է եղել վերադառնալ: Ավելի ուշ ինքնաթիռն այլ ճանապարհով ժամանել է Հայաստան: