Հայ-ռուսական հարաբերությունները կապված չեն որեւէ իշխանության վարած քաղաքականությունից: Այս մասին, այսօր՝ սեպտեմբերի 4-ին, ԱԺ-ում լրագրողների հետ զրույցում նշեց ԲՀԿ խմբակցության պատգամավոր Միքայել Մելքումյանը՝ անդրադառնալով նրան, որ RBK-ին տված հարցազրույցում ռոբերտ Քոչարյանը հայտարարել էր, թե հայ-ռուսական հարաբերությունները քայքայվում են, Հայաստանը սորոսիզացիայի տակ է:
«Հայ ժողովրդի մոտեցումը բավականին ջերմ է ռուս ժողովրդի նկատմամբ: Մենք այնպիսի կապերով ենք կապված ՌԴ տնտեսության հետ, մենք ՀԱՊԿ-ի, ԵԱՏՄ-ի անդամ ենք, կա ռուսական ռազմաբազան, մեր անվտանգության օդային համակարգի ամբողջ կառուցվածքը ցույց է տալիս, որ մենք այնպիսի կապերով ենք կապված ՌԴ-ի հետ, որ չեն կարող մեր հարաբերությունները գնալ վատթարացման:
Առանձին դրվագներ կարող են լինել, բայց լայն առումով, մեր ազգային պետական շահերը չեն կարող թույլ տալ վատթարացում»,-ընդգծեց պատգամավորը: