ՆԱՏՕ-ի անդամ երկրների ավիացիան պարբերաբար թռիչքներ է կատարում՝ իմիտացնելով Ռուսաստանի ուղղությամբ հրթիռային հարվածներ, հայտարարել է ՌԴ ՊՆ Սերգեյ Շոյգուն։
«Ավելի մեծ մտահոգություն է առաջացնում այլ հանգամանք․ եթե ավելի վաղ այս կամ այն հաճախականությամբ, իհարկե, ավելի հազվադեպ, դա հիմնականում հետախուզական ավիացիան էր, ապա այժմ սկսվել են պարբերական թռիչքներ՝ իմիտացնելով հրթիռային հարվածներ, այդ թվում՝ օգտագործելով մեծաքանակ ինքնաթիռներ»,-ասել է Շոյգուն։
Նա հիշեցրել է Բալթիկայի երկնքում B52H ամերիկյան ռազմավարական ռմբակոծիչերի՝ վերջերս կայացած թռիչքի մասին։
Օգոստոսի 31-ին ռուսական օդային տարածությունը հսկող միջոցները Բալթյան ծովի չեզոք ջրերում հայտնաբերել են երեք օդային թիրախ, որոնք մոտենում են ՌԴ պետական սահմանին։ Դրանք նույնականացնելու համար օդ էր բարձրացել ՍՈՒ-27 երեք ինքնաթիռ։ Ռուսական կործանիչների անձնակազմներն իդենտիֆիկացրել էին օդային թիրախները որպես ԱՄՆ Ռազմաօդային ուժերի B-52H ռազմավարական ռմբակոծիչներ։ Ռուս կործանիչները վերադարձել էին իրենց տեղակայման օդակայան ՌԴ պետական սահմանից ամերիկյան ինքնաթիռները հեռացնելուց հետո։