Daimler-ի ղեկավար Օլա Կալենիուսն ակնարկել է Maybach ենթաապրանքանշի ներքո էլեկտրաքար ստեղծելու հավանականության մասին։ Նա հասկացրել է, որ Daimler-ն ունի ամեն ինչ Maybach շարքն ընդլայնելու համար։ Հավանաբար, էլեկտրոնային «Մայբախի» համար առաջնահերթ շուկա կհամարվի Չինաստանը, գրում է Մոտոր-ը։

Daimler-ը կներկայացնի նորույթը՝ որպես «էլեկտրական S-Class»։ Դեռ ավելին, հաստատված է, որ Mercedes-Benz EQS-ը «մարտկոցային» մերսեդեսների շրջանում առաջինը կունենա AMG-տարբերակը։

Mercedes-Maybach EQS թողարկելու համար տեխնիկական սահմանափակումներ չկան․ հայտնի է, որ էլեկտրաքարի սրահը կլինի ավելի լայն, քան ավանդական շարժիչներով S դասի դեպքում, երկշարժիչ ուժային կարգավորումը կապահովի հզորությունը, իսկ նոր մարտկոցը թույլ կտա հասնել ռեկորդային ինքնավարության։

Mercedes-Maybach-ի շարքի ընդլայնումը չի հակասում Օլա Կալենիուսի ծրագրին՝ կապված Daimler-ի ֆինանսական ցուցանիշները մեծացնելու հետ։ Իսկ էլեկտրական Maybach-ը կարող է հիթային լինել Չինաստանում, որը Mercedes-Benz-ի կարեւորագույն շուկան է։