ՕՊԵԿ երկրները կարող են կազմակերպության 60-ամյակի պատվին հանդիպումն անցկացնել Բաղդադում 2020 թվականի դեկտեմբերի 4-ն, հաղորդում է ՏԱՍՍ-ը:
Այս մասին հայտարարել է Իրաքի նավթի նախարար Իհսան Աբդել Ջաբերը:
Որոշումն ընդունվել է համաճարակաբանական իրավիճակի պարզեցումից հետո:
ՕՊԵԿ-ը հիմնադրվել է 1960 թվականին Բաղդադում նավթային կոնֆերանսի ժամանակ 5 պետությունների կողմից՝ Իրան, Իրաք, Քուվեյթ, Սաուդյան Արաբիա եւ Վենեսուելա: Ավելի ուշ նրանց միացել են այլ երկրներ: Այժմ ՕՊԵԿ կազմում են 13 երկրներ՝ Ալժիր, Անգոլա, Վենեսուելա, Գաբոն, Իրան, Իրաք, Կոնգո, Քուվեյթ, Լիբիա, ԱՄԷ, Նիգերիա, Սաուդյան Արաբիա, Հասարակածային Գվինեա: Շտաբ բնակարանը գտնվում է Վիեննայում: