Հայաստանում ավտոմոբիլիստներին այլեւս տեխզննման կտրոններ պետք չեն լինի: Այս մասին այսօր ԱԺ նիստում «Ճանապարհային երթեւեկության անվտանգության ապահովման մասին» օրենքում եւ հարակից օրենքներում փոփոխություններ կատարելու մասին օրինագծերի փաթեթի քննարկման ժամանակ հայտարարեց ՀՀ տարածքային կառավարման եւ ենթակառուցվածքների փոխնախարար Արմեն Սիմոնյանը:
Նրա խոսքով՝ տեխզննումը կֆիքսվի էլեկտրոնային միջոցով: Այն կպահվի ոստիկանության տվյալների բազայում:
Բացի այդ, կփոխվեն նաեւ տեխզննման կանոնները: Այսպես, 4 տարուց հին տրանսպորտային միջոցների համար տեխզննումը պարտադիր կարգով կիրականացվի 2 տարին մեկ՝ 10 տարվա ընթացքում, որից հետո՝ ամեն տարի: Ուղեւորափոխադրումների համար մեքենաները պետք է տեխզննում անցնել 10 տարվա ընթացքում տարին մեկ անգամ եւ դրանից հետո՝ տարին երկու անգամ:
Կփոխվեն նաեւ տեխզննման կանոնները: Այդպես, առաջին անգամ ավտոմեքենան զննման պետք է տրվի արտադրության չորրորդ տարում, այնուհետեւ մինչեւ 10 տարի` երկու տարին մեկ, իսկ 10 տարի անց` տարին մեկ անգամ: Հասարակական ուղեւորափոխադրումների տրանսպորտային միջոցները պետք է ստուգվեն տարին մեկ անգամ մինչեւ 10 տարի եւ տարին երկու անգամ` 10 տարի անց:
Տեխնիկական զննման սակագները հաշվարկվելու են Հանրային ծառայությունները կարգավորող հանձնաժողովի կողմից եւ կառաջարկվեն տարածքային կառավարման եւ ենթակառուցվածքների նախարարության քննարկմանը:
Բացի այդ, տրանսպորտային միջոցի զննման առցանց վերահսկողություն է նախատեսվում, որպեսզի դա չմնա ձեւականություն, ինչպիսին եղել է մինչ այժմ:
Ինչպես նաեւ խիստ տույժեր են սահմանվում տրանսպորտային միջոցի զննման ժամանակ ցուցաբերված անփութության համար: Մասնավորապես, եթե հայտնաբերվել է, որ ավտոմեքենան լուրջ խախտումների առկայության դեպքում լավ վիճակում է ճանաչվել, ապա ստուգման կետը կտուգանվի 1 միլիոն դրամով: Եթե մեկ տարվա ընթացքում խախտումը կատարվել է երկրորդ անգամ, ապա այն կզրկվի լիցենզիայից 6 ամիս ժամկետով, իսկ եթե երեք անգամ, ապա կետը պարզապես կզրկվի լիցենզիայից:
