Ազգային ժողովի նիստերի դահլիճում այսօր՝ սեպտեմբերի 16-ին, հենց նիստի ընթացքում ԱԺ փոխխոսնակ Ալեն Սիմոնյանն ու «Իմ քայլը» խմբակցության պատգամավոր Հրաչյա Հակոբյանը լուսանկարվեցին «Լուսավոր Հայաստան» խմբակցության պատգամավորների բերած պաստառի ֆոնին:
Նշենք, որ պաստառի վրա ԿԳՄՍ նախարար Արայիկ Հարությունյանի լուսանկարն է, եւ գրված է. «Քայլ արա, դուխով հեռացիր»:
Նրանք խնդրեցին «Լուսավոր Հայաստանի» պատգամավորներին իրենց լուսանկարել: Այդ «պատասխանատու» գործն իր վրա վերցրեց ԼՀԿ պատգամավոր Արմեն Եղիազարյանը:
