News
Լրահոս
News
Երեքշաբթի
Դեկտեմբեր 01
USD
506.4
EUR
606.82
RUB
6.65
ME-USD
0.01
Տեսնել լրահոսը

Սյունիքի մարզի Որոտան համայնքում տեղի ունեցած դանակահարության հետեւանքով մահացածի գործով մեղադրյալի կարգավիճակում է Պետական պահպանության գլխավոր վարչության ռազմականացված ջոկատի նախկին պետ Էդվարդ Մարկոսյանը, որը, ըստ հարազատների, կապ չունի այդ սպանության հետ։

NEWS.am-ի հետ զրույցում գործով ամբաստանյալի կինը պատմեց, որ իր ամուսինը շուրջ 2,5 տարի կալանքի տակ է՝ անհիմն ցուցմունքի հիման վրա։

«Այդ ողբերգական դեպքից առաջ Որոտան գյուղում մեր փեսան եւ այս պահին տուժողի կարգավիճակ ունեցող անձինք վիճաբանություն են ունենում միմյանց հետ, թե ինչու է կովը մտել մեր փեսայի այգին։ Ամուսինս տեսել է, որ վիճաբանում են, հորդորել է, որ վերջ տան։ Նա ասել է, որ պետք չի կովի համար իրար հետ վիճել։ Վիճաբանությունից հետո արդեն սկսվել է ծեծռտուք։ Հետո հանգստացել են ու ամեն մեկն անցել իր գործին։ Ամուսինս էլ գնում է Որոտանից մեկ կիլոմետր հեռավորության վրա գտնվող Արցախյան ազատամարտի հերոս Արայիկ Մարկոսյանի հուշաղբյուրում մաքրություն անելու։ Մեր փեսան տեսնում է այնտեղ ամուսնուս ու առաջարկում կանչել տուժող կողմին ու բարիշել։ Նրանք էլ գալիս են ու մեծ ծեծկռտուք է տեղի ունենում։ Ամուսինս կռվից խույս տալու համար՝ փախչում է դեպքի վայրից։ Փեսան էլ մասնակիցներից մեկին դանակով հարված է հասցնում»,- դեպքի մասին պատմեց գործով ամբաստանյալի կինը։

Նա ասաց, որ իրենց փեսան, երբ իմացել է՝ դանակահարվածը հիվանդանոցում մահացել է, ինքնակամ ներկայացել է ՀՀ ոստիկանություն եւ ցուցմունք տվել։

Փեսան ձերբակալվում է, այնուհետեւ կալանավորվում։

«Այդ սպանությունից մեկ շաբաթ անց ամուսնուս են կալանավորում։ Տուժող կողմն էլ սկսում է կեղծ ցուցմունքներ տալ, թե ամուսինս է սպանությունը գործել։ Մահացածի իրավահաջորդներից որդին էլ ցուցմունք է տալիս, թե ինքը տեսել է՝ ամուսինս է դանակահարել իր հորը,- պատմեց կինը։

Նրա խոսքով՝ ամուսնու խափանման միջոցի փոփոխման համար մի քանի անգամ միջնորդություններ են ներկայացրել դատարան, ինչը, սակայն մերժվել է։

NEWS.am-ի հետ զրույցում գործով ամբաստանյալ Էդվարդ Մարկոսյանի պաշտպան Համլետ Դավթյանն էլ ասաց, որ արդեն դատավարության ավարտին են հասել. դատական վիճաբանությունների փուլում են։

«Անհիմն ցուցմունքի հիման վրա 2,5 տարի կալանքի տակ է։ Չունենալով ռեալ ապացույցներ՝ առաջադրել են նման մեղադրանք»,- ասաց պաշտպանն ու հավելեց, որ իր պաշտպանյալը մինչեւ հիմա չի էլ ընդունել իրեն առաջադրված մեղադրանքը։

«Մինչեւ հիմա էլ իր փեսան ասում է, որ ինքն է սպանել այդ անձին։ Անգամ դատարանում է հայտարարել, երբ վկայի կարգավիճակում հարցաքննվում էր։ Տուժող կողմն էլ ենթադրում է, թե փեսան իր վրա է վերցնում մեղադրանքը, որ Էդվարդը չդատապարտվի»,- ասաց Դավթյանը։

Նշենք, որ Մարկոսյանին մեղադրանք է առաջադրվել ՀՀ ՔՕ 104-րդ հոդվածի 1-ին մասով (սպանություն)։

Տպել
Կարդացեք նաև
Ամբողջը
Իսպանական ոստիկանությունը Միջերկրական ծովում թմրավաճառների է հետապնդել
Ոստիկանությունը առգրավել է երկու տոննա հաշիշ՝ 66 փաթեթներում․․․
Ռուսաստանում փոխքաղաքապետի են գնդակահարել
Վարկածներից մեկի համաձայն՝ Չերնիցկու վրա որսի ժամանակ կարող էին պատահաբար կրակել․․․
«Օրենքով գող» Բադրի Կոգուաշվիլին «ոչ գողական պահվածք» է թույլ տվել երեկույթի ժամանակ
Գործակալությունը նշում է, որ ինչ-որ պահի Կոգուաշվիլին կանկան է պարել «օրենքով գող» Թենգիզ Գարցկիայի (Չիժ) հետ, ով գտնվել է ալկոհոլի ազդեցության տակ...
Մեքսիկայում գաղտնի գերեզմանում 113 մարմին է հայտնաբերվել
Գլխավոր դատախազ Հերարդո Սոլիսն ասել է, որ դատաբժշկական փորձագետներին հաջողվել է նույնականացնել 30 զոհի․․․
Թբիլիսիի բնակչին, որը պատանդ էր վերցրել 19 մարդու, մեղադրանք է առաջադրվել
Զուրաբիշվիլիի փաստաբանները պնդում են, որ տղամարդը ներխուժել է ՄՖԿ մեկնարկային ատրճանակով եւ կրակայրիչ-նռնակով...
Երկու մարդ է զոհվել Նեբրասկա նահանգում հրաձգության հետեւանքով
Երկու տուժածները հոսպիտալացվել են Նեբրասկայի համալսարանի բժշկական կենտրոնում, ընդ որում՝ եւս երկու մարդ տեղում մահացել է...