Լեհաստանը ցանկանում է, որպեսզի Եվրամիությունը Բելառուսին առնվազն 1 միլիարդ եվրոյի չափով ֆինանսական աջակցություն առաջարկի (երկրի «վերականգնման» «Մարշալի պլանի» շրջանակներում): Այս մասին հայտարարել է երկրի վարչապետ Մաթեուշ Մորավեցկին, փոխանցում է Reuters-ը:
Նրա խոսքով` ֆինանսական օգնությունը Բելառուսին աջակցության փաթեթի մի մասը կդառնա, որն այն կառաջարկի սեպտեմբերի 24-25-ին կայանալիք ԵՄ հաջորդ գագաթնաժողովին: «Միջոցները պետք է իսկապես զգալի լինեն` առնվազն 1 միլիարդ եվրո»,- ասել է Մորավեցկին Վիլնյուսում Լիտվայի վարչապետ Սաուլիուս Սկվերնելիսի հետ հանդիպումից հետո:
Մորավեցկու խոսքով` Արժույթի միջազգային հիմնադրամը կարող է ներդրում ունենալ նաեւ այն հիմնադրամում, որը նախատեսված է երկրի արժույթը սատարելու, դրա տնտեսությունը կայունացնելու եւ Բելառուսին ինքնուրույն միջոցներ փոխառել թույլ տալու համար:
