ԱՄՆ նախագահ Դոնալդ Թրամփը նախատեսում է ստորագրել հրամանագիր, որը թույլ կտա նրան պատժամիջոցներ կիրառել նրանց հանդեպ, ովքեր խախտում են Իրանի հանդեպ սովորական սպառազինության էմբարգոն: Այս մասին հայտնում է Reuters-ը՝ վկայակոչելով երեք աղբյուրի:
Աղբյուրները հայտնում են, որ հրամանագիրը, ինչպես սպասվում է, կհրապարակվի առաջիկա օրերին եւ թույլ կտա նախագահին պատժամիջոցներ կիրառել՝ թույլ չտալով խախտողներին մուտք գործել ԱՄՆ շուկա:
ԱՄՆ գործողությունների անմիջական պատճառը Իրանի դեմ զենքի ՄԱԿ-ի էմբարգոյի մոտալուտ վերջնաժամկետն է:
