News
Լրահոս
News
Հինգշաբթի
Հոկտեմբեր 22
USD
494.31
EUR
584.77
RUB
6.42
ME-USD
0.01
Տեսնել լրահոսը

Իրանի նախագահ Հասան Ռոհանին հայտարարել է, որ Թեհրանը «ջախջախիչ պատասխան կտա Ամերիկայի ծանակումներին»։ Միաժամանակ հայտնի է դարձել, որ ԱՄՆ-ն սեպտեմբերի 21-ից Իրանի դեմ նոր սահմանափակումներ է մտցնում, փոխանցում է RG-ն։ 

Ռոհանին հեռուստաելույթում ասել է, որ ԱՄՆ-ն պարտվում է Իսլամական Հանրապետության դեմ ՄԱԿ պատժամիջոցները վերականգնելու իր ձգտումներում, քանի որ զրկվել է եվրոպացի դաշնակիցների աջակցությունից, որոնք այդ միջոցները «անվավեր» են որակել։ Իրանի ԱԳ նախարարությունն իր հերթին Վաշինգտոնի ջանքերը բնութագրել է որպես «անօգուտ»՝ հայտարարելով, որ «ԱՄՆ մոտեցումը լուրջ սպառնալիք է միջազգային խաղաղությանն ու անվտանգությանը եւ աննախադեպ սպառնալիք ՄԱԿ-ի եւ Անվտանգության խորհրդի համար»։

«Իրանն ընդգծում է, որ եթե ԱՄՆ-ն ուղակիորեն կամ իր մի շարք դաշնակիցների հետ համագործակցությամբ ձեռնարկի այս սպառնալիքներին համապատասխան որեւիցե քայլ, ապա կբախվի լուրջ արձագանքի եւ պետք է հաշվի առնի իր որոշման բոլոր վտանգավոր հետեւանքները»,- նշված է հայտարարության մեջ։

Reuters-ի տեղեկություններով, որը վկայակոչում է Սպիտակ տանը բարձրաստիճան աղբյուրին, երկուշաբթի՝ սեպտեմբերի 21-ին, Միացյալ Նահանգները պատժամիջոցներ կսահմանի ավելի քան երկու տասնյակ անձանց եւ կազմակերպությունների դեմ, որոնք մասնակցում են Իրանի միջուկային, հրթիռային եւ սովորական սպառազինության ծրագրերին։ Գործակալության աղբյուրի խոսքով՝ Իրանը կարող է ունենալ բավականաչափ տրոհվող նյութ տարվա վերջին միջուկային զենք ստեղծելու համար, իսկ Թեհրանը վերականգնել է մեծ հեռահարության հրթիռների ոլորտում համագործակցությունը Հյուսիսասյին Կորեայի հետ, որը միջուկային զենք ունի։ Աղբյուրի խոսքով՝ ԱՄՆ կողմից նոր պատժամիջոցային ճնշման կարեւոր մասն է հրամանը՝ ուղղված նրանց, ովքեր գնում կամ Իրանին վաճառում են սովորական սպառազինություն։ Պաշտոնյան իր պնդումներից ոչ մեկի համար որեւէ ապացույց չի ներկայացրել։

Ավելի վաղ Իրանի միջուկային ծրագրի զսպման վերաբերյալ պատմական համաձայնագրի մյուս մասնակիցները, որը 2015 թվականին Իրանի հետ ստորագրել էր պետությունների «վեցյակը» (Ռուսաստան, Չինաստան, Մեծ Բրիտանիա, Ֆրանսիա, Գերմանիա եւ ԱՄՆ) հայտարարել էին, որ Վաշինգտոնը ՄԱԿ անունից միակողմանի պատժամիջոցներ սահմանելու լիազորություն չունի։

Հիշեցնենք, որ ԱՄՆ նախագահ Դոնալդ Թրամփը մշտապես քննադատել է համաձայնագիրը, որը ստորագրել էր Բարաք Օբամայի վարչակազմը, 2018 թվականին հետ կանչել դրա տակ դրված ԱՄՆ ստորագրությունը, ինչը զգալի վնաս է հասցրել Իրանի տնտեսությանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրանը կոչ է անում պատասխանատվության ենթարկել Սաուդյան Արաբիային` գաղտնի միջուկային գործունեության համար
«Ցավալի է տեսնել թշնամանքը Սաուդյան Արաբիայի նման երկրից, մինչդեռ Իրանը միշտ մեր տարածաշրջանի կայունացմանն ուղղված խաղաղության ծրագրեր է առաջարկել...
Զարիֆը մարդկության դեմ հանցագործություն է անվանել ԱՄՆ-ի նոր պատժամիջոցները
ԱՄՆ-ն պատրաստվում է նոր պատժամիջոցներ սահմանել Իրանի ֆինանսական հատվածի դեմ
Սահմանափակումների վերաբերյալ նոր ծրագրի մասին կարող է հայտարարվել արդեն հինգշաբթի․․․
Պետդեպարտամենտը կարծում է, որ Իրանը առաջընթաց է գրանցել միջուկային զենք ստեղծելու գործում
«Ես կասեի, որ նրանք մի փոքր առաջընթաց են գրանցել»․․․
Իրանն ԱԷՄԳ-ին հասանելիություն է տրամադրել միջուկային երկու օբյեկտների նկատմամբ
ԱՄՆ-ը պաշտոնապես ծանուցել է ՄԱԿ-ին՝ Իրանի հանդեպ բոլոր պատժամիջոցները վերականգնելու իր պահանջի մասին
Պետքարտուղար Մայք Պոմպեոն ծանուցումը ներկայացրել է ՄԱԿ Անվտանգության խորհրդի նախագահին․․․
Ամենաշատ