News
Լրահոս
News
Երկուշաբթի
Հոկտեմբեր 26
USD
494.01
EUR
585.25
RUB
6.47
ME-USD
0.01
Տեսնել լրահոսը

Աթենքում սեպտեմբերի 21-ից նոր սահմանափակող միջոցառումներ են մտցնում՝ կապված COVID-19-ով վարակվածների թվի աճի հետ, փոխանցում է «ՌԻԱ Նովոստի»-ն։

Միջոցառումների մասին հայտարարվել էր անցյալ շաբաթ, դրանց ցուցակը կիրակի հրապարակվել է կառավարական պաշտոնական թերթում։ Դրանք 2 շաբաթ՝ սեպտեմբերի 21-ից հոկտեմբերի 4-ը գործելու են մայրաքաղաքային ամբողջ Ատիկա մարզում։

Նախատեսվում է, որ փակ հաստատություններում եւ բացօթյա տարածքում հավաքների մասնակիցների առավելագույն թիվը 10 մարդուց ավելի չպետք է լինի։ Կինոթատրոնները աշխատանքը դադարեցնում են, համերգները չեղարկվում են։

Հարսանյաց, մկրտության եւ հուղարկավորության արարողություններին պետք է լինի 20 մարդուց ոչ ավելի։

«Խոցելի խմբերին պատկանող եւ 65 տարեկան ու անց քաղաքացիների պաշտպանության նպատակով հանձնարարվում է հաջորդ 14 օրերի ընթացքում սահմանափակել նրանց տեղաշարժը»,- նշված է որոշման մեջ։

65-ն անց մարդկանց առաջարկվում է խուսափել բոլորի հետ շփումներից, բացի ընտանեկան մերձավոր շրջապատից, եւ զերծ մնալ հանրային տրանսպորտով ուղեւորություններից։

Դրանից բացի, Ատիկայում որոշում է ընդունվել բնակչության խոցելի խմբերին պատկանող ասիմպտոմ հիվանդներին, օրինակ՝ ներգաղթյալներին տեղավորել հատուկ կարանտինային հյուրանոցներում։

Առողջության պաշտպանության համար մտցվում է մասնավոր եւ պետական հատվածի աշխատակիցների 40 տոկոսի համար պարադիր հեռավար աշխատանքը, որոնք կատարում են գրասենյակային աշխատանք կամ այնպիսի, որը կարելի է հեռվից անել։

Պետական հատվածում աշխատանքը սկսվելու է 3 փուլով՝ առավոտյան 7:00-ին, 8:00-ին եւ 9:00-ին, որ ճանապարհին մարդկանց կուտակումներ չստեղծվեն։

Կմեծանա դիմակային ռեժիմին հետեւելու ստուգումների թիվը։ Աշխատավայրում դիմակ չկրող գործատումներին եւ ծառայողներին պատժելու են, նշված է որոշման մեջ։

Դադարեցվում է նաեւ կենդանի երաժշտությամբ հաստատությունների աշխատանքը՝ կաբարե, գիշերայիրն ակումբներ, դիսկոտեկներ, զվարճանքի կենտրոններ։

Դրանից բացի, սրճարանները, բարերը, ռեստորանները գիշերային ժամերին՝ 00։00-ից մինչեւ 07։00 փակ են լինելու։

Հունաստանում սեպտեմբերի սկզբից կորոնավիրուսով վարակվածների թիվն աճել է՝ 10 757-ից մինչեւ 15 142։ Կրկնապատկվել է վերակենդանացման բաժանմունքներում զբաղված մահճակալների թիվը, ավելի բարձր է դարձել նաեւ այս հիվանդացության հետեւանքով մահացությունը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բրիտանացի մանկաբույժերը կոչ են արել իշխանություններին աղքատ ընտանիքների երեխաներին ապահովել անվճար սննդով
Բժիշկները պատմել են, որ 4 մլն երեխաներ երկրում ապրում են աղքատության մեջ, եւ նրանց մեկ երրորդն անվճար դպրոցական սննդի կարիք ունի…
Բուլղարիայի վարչապետը վարակվել է կորոնավիրուսով
Ֆեյբուքյան իր էջում Բորիսովը հայտնել է, որ կմնա տանը բժիշկների խորհրդով բուժումն ստանալու համար…
Իսպանիայում սահմանվել է բարձր պատրաստվածության ռեժիմ կորոնավիրուսի համավարակի պատճառով
Արգելվում է մարդկանց տեղաշարժման ազատությունը 23.00-06.00-ն ընկած ժամանակահատվածում երկրի ողջ տարածքում…
Իտալիայում կրճատել են ռեստորանների եւ ակումբների աշխատաժամերը կորոնավիրուսի դեպքերի աճի պատճառով
Խուսափելով կանգնեցնել տնտեսական գործունեությունը՝ Հռոմի իշխանությունները հայտնել են, որ չեն ցանկանում կրկին համընդհանուր կարանտինի սահմանում, ինչպես եղել է ավելի վաղ…
Մալայզիայի թագավորը մերժել է երկրի վարչապետի առաջարկը կորոնավիրուսի կապակցությամբ արտակարգ դրություն հայտարարելու մասին
Թագավորը համարում է, որ կառավարությունը հաջողությամբ հաղթահարում է համավարակը…
Բելգիայում գրանցվել է մեկ օրում կորոնավիրուսով հոսպիտալացման նոր ռեկորդ
Հոկտեմբերի 15-21-ն օրական գրանցվել է կորոնավիրուսով վարակման միջինում նոր 11 891 դեպք, ինչը 50 տոկոսով գերազանցում է նախորդ շաբաթվա ցուցանիշը…
Ամենաշատ