Ամերիկյան համակարգիչներ եւ սոֆթեր արտադող Microsoft-ը հայտարարել է Windows 10-ի համար 20H2 ծրագրային ապահովման երկրորդ թարմացումների հավաքածուի թողարկման մասին, փոխանցում է «Փրայմը»։
Մշակողները ներկայումս թարմացումներն առաջ են մղում Release Preview ալիքում։ Սա լայն հանրության համար ծրագրի թողարկումից առաջ թեստավորման վերջին մակարդակն է։
ՕՀ-ի համար այս թարմացումները կստանան Windows 10 October 2020 Update անվանումը։
Հիմա Release Preview ալիքի օգտատերերը մշակողներից ստանում են աջակցության փաթեթ․ դրա շնորհիվ մեծանում է մեկ միավորի հավաքման համարը եւ ներբեռնվում են մի քանի նոր գործառույթներ։
Փորձագետները նշում են, որ 20H2 նոր գործառնությունները փաստացի արդեն միացված են Windows 10 2004 արտադրական տարբերակի մեջ։ Սրան են վերաբերում առաջին հերթին «Գործարկում» մենյուի թափանցիկության կարգավորումները։
Windows 10-ի տարբերակը՝ 20H2 դեռեւս չներկայացված թարմացումներով կդառնա առաջին տարբերակը, որը մատակարարվելու է Edge նոր բրաուզերով, որը ստեղծվել է Chromium-ի հիմքի վրա։
Այս թարմացումը սեպտեմբերի 18-ից կարելի է գտնել Release Preview-ում։ Թարմացումները ստանալու համար անհրաժեշտ է մտնել «Windows-ի թարմացումների կենտրոն» եւ ընտրել 20H2 հավաքածուի ներբեռնումը։