Վաշինգտոնի քաղաքապետ Մյուրիել Բաուզերը սեպտեմբերի 21-ը հռչակել է Վաշինգտոնում «Հայաստանի Անկախության օր»:
Հռչակագրում քաղաքապետը նշել է, որ այսօր ոչ միայն Հայաստանի Հանրապետության Անկախության օրն է, այլ նաև լրանում է ԱՄՆ-ի և Հայաստանի միջև հարաբերությունների հաստատման 100-ամյակը: Բաուզերը նաև նշել է, որ Վաշինգտոնում գտնվող Հայաստանի դեսպանատունը նպաստում է մշակույթների բազմազանությանը և ամերիկացի ուսանողների գիտելիքների հարստացմանը՝ ավելացնելով, որ Հայաստանի Հանրապետությունը շարունակում է ամրապնդել երկու երկրների միջև գործընկերությունը:
Հռչակագրի վերջին մասում Բաուզերը Հայաստանի դեսպանատան աշխատողներին շնորհավորել է Անկախության տոնի առիթով և հույս հայտնել, որ կշարունակվի դեսպանատան և Կոլումբիայի շրջանի միջև համագործակցությունը:
We express our gratitude to Washington DC Mayor Muriel Bowser for proclaiming September 21 in Washington DC as "Armenian...
Опубликовано Embassy of Armenia to the United States Воскресенье, 20 сентября 2020 г.
