Լիբանանի վարչապետ Մուսթաֆա Ադիբը մրցակցող քաղաքական ուժերին կոչ է արել ակտիվանալ եւ իրեն օգնել կառավարության ձեւավորման գործում՝ ճգնաժամից տուժած երկիրը փրկելու համար, փոխանցում է AFP-ն։
Ադիբի վրա ճնշում է գործադրվում, որ նա հնարավորինս արագ ձեւավորի նոր կաբինետի կազմը, որպեսզի նոր կառավարությունը կարողանա սկսել մի շարք բարփոխումներ, որոնք անհրաժեշտ են արտասահմանյան օգնության միլիարդավոր դոլարները ստանալու համար։
«Ցանկացած հետագա հետաձգում ճգնաժամը կուժգնացնի եւ կխորացնի»,- ասել է Ադիբը հայտարարության մեջ։ Նա բոլոր քաղաքական ուժերին կոչ է արել «անհապաղ եւ առանց դանդաղելու աշխատել ֆրանսիական նախաձեռնության վրա», որ օգնեն երկրի փրկությանը։ «Լիբանանի ժողովրդի դժբախտությունը պահանջում է բոլոր անկախ կողմերի համագործակցություն ճգնաժամային կառավարության կազմավորմանը սատարելու համար»,- ասել է նա։