News
Լրահոս
News
Չորեքշաբթի
Հոկտեմբեր 21
USD
493.33
EUR
582.43
RUB
6.33
ME-USD
0.01
Տեսնել լրահոսը

Վրդովմունքով եւ հիասթափությամբ տեղեկացանք, որ Լոռու մարզի ընդհանուր իրավասության դատարանը (դատավոր՝ Սուսաննա Գզոգյան) վճռել է «Լոռի TV» հեռուստաընկերության գլխավոր խմբագիր Նարինե Ավետիսյանի նկատմամբ ֆիզիկական բռնություն կիրառելու քրեական գործով մեղադրվող անձանցից որեւէ մեկին պատասխանատվության չենթարկել։ Այս մասին հայտարարություն են տարածել լրագրողնական կազմակերպությունները:

Հայտարարությունում նաեւ ասվում է.

«Հիշեցնենք, որ դեռ 2017թ. սեպտեմբերի 28-ին Նարինե Ավետիսյանը, տեղեկություն ստանալով, որ հորդառատ անձրեւի պայմաններում Վանաձորի Սուրբ Աստվածածին եկեղեցուն կից կամրջի վրա ասֆալտապատում է իրականացվում, մեկնել է այդ վայր՝ լուսաբանելու կատարվող աշխատանքները:

Նկարահանումների պահին «Շինպլյուս» շինարարական կազմակերպության ղեկավար Տիգրան Նազարյանն իր աշխատակիցների հետ հարձակվել է Նարինե Ավետիսյանի վրա, ոլորել թեւերը, նրան գցել գետնին ու խլել հեռախոսը՝ ջնջելով արված լուսանկարները։

Դեպքի առթիվ հարուցված քրեական գործը մեղադրական եզրակացությամբ դատարան է մտել 2018թ․ փետրվարի 23-ին, եւ 2,5 տարի ձգվող դատաքննությունից հետո, օգոստոսի 24-ին կայացված վճռով՝ Տիգրան Նազարյանը ճանաչվել է անպարտ եւ արդարացվել՝ հանցավոր արարքին նրա մասնակցությունն ապացուցված չլինելու հիմքով: Իսկ կազմակերպության աշխատակից Վրեժ Խաչատրյանն ազատվել է քրեական պատասխանատվությունից` վաղեմության ժամկետն անցնելու հետեւանքով։

Թեեւ Լոռու մարզի դատախազությունը մեղադրական եզրակացությունների մեջ հստակ նկարագրել էր կատարվածը, դատարանն անտեսել է դա եւ պատիժ չի նշանակել ամբաստանյալներին։ Միանգամայն անհասկանալի եւ անընդունելի է նաեւ այն, թե ինչու է բավականին պարզ գործն այսքան ձգձգվել․ գուցե հենց այն նկատառումով, որպեսզի կիրառվի վաղեմության ժամկե՞տը։

Այս վճռով, ըստ էության, ոչ միայն արդարացվում է լրագրողի վրա հարձակում գործած անձը, այլեւ «կանաչ լույս» է վառվում ԶԼՄ-ների ներկայացուցիչների նկատմամբ նոր բռնությունների համար եւ հաստատվում անպատժելիության մթնոլորտ։

Հաշվի առնելով դատավճռի ակնհայտ կողմնակալությունն ու անարդարությունը, մենք՝ ներքոստորագրյալ կազմակերպություններս, պահանջում ենք․

ՀՀ դատական իշխանության Էթիկայի եւ կարգապահական հանձնաժողովից եւ Արդարադատության նախարարից՝ ուսումնասիրել տվյալ դատական գործը եւ դատավոր Սուսաննա Գզոգյանի կողմից նյութական կամ դատավարական իրավունքի նորմի դիտավորությամբ կամ անփութությամբ խախտում կատարած լինելու դեպքում հարուցել կարգապահական վարույթ,

Վերաքննիչ քրեական դատարանից՝ բեկանել առաջին ատյանի վճիռը, ապահովել գործի համակողմանի ու անաչառ քննություն եւ պատասխանատվության ենթարկել լրագրողի նկատմամբ բռնություն կիրառողներին։

               

 

ԽՈՍՔԻ ԱԶԱՏՈՒԹՅԱՆ ՊԱՇՏՊԱՆՈՒԹՅԱՆ ԿՈՄԻՏԵ

ԵՐԵՎԱՆԻ ՄԱՄՈՒԼԻ ԱԿՈՒՄԲ

ՄԵԴԻԱ ՆԱԽԱՁԵՌՆՈՒԹՅՈՒՆՆԵՐԻ ԿԵՆՏՐՈՆ

ԼՐԱԳՐՈՂՆԵՐԻ «ԱՍՊԱՐԵԶ» ԱԿՈՒՄԲ

ԻՆՖՈՐՄԱՑԻԱՅԻ ԱԶԱՏՈՒԹՅԱՆ ԿԵՆՏՐՈՆ

ԲԱԶՄԱԿՈՂՄԱՆԻ ՏԵՂԵԿԱՏՎՈՒԹՅԱՆ ԻՆՍՏԻՏՈՒՏ – ՀԱՅԱՍՏԱՆ

ՀԱՆՐԱՅԻՆ ԼՐԱԳՐՈՒԹՅԱՆ ԱԿՈՒՄԲ

«ԼՐԱԳՐՈՂՆԵՐ ՀԱՆՈՒՆ ԱՊԱԳԱՅԻ» ՀԿ

«ԼՐԱԳՐՈՂՆԵՐ ՀԱՆՈՒՆ ՄԱՐԴՈՒ ԻՐԱՎՈՒՆՔՆԵՐԻ» ՀԿ

ԳՈՐԻՍԻ ՄԱՄՈՒԼԻ ԱԿՈՒՄԲ

Տպել
Կարդացեք նաև
Ամբողջը
Հայտնվել են կասկածելի ծագում ունեցող լրատվական կայքեր ու սոցիալական ցանցերի կեղծ էջեր․ԱԱԾ-ի կոչը
Հայտնվել են կասկածելի ծագում ունեցող լրատվական կայքեր ու սոցիալական ցանցերի կեղծ էջեր․․․
Անցյալ շաբաթ Թուրքիայի դատարաններում 24 լրագրողի դեմ դատավարություններ են անցկացվել
Ստամբուլի վերաքննիչ դատարանը հրապարակել է Sözcü daily թերթի ինը լրագրողներից յոթի դատավճիռը, որոնց ազատազրկման են դատապարտել քարոզիչ Ֆեթուլլահ Գյուլենի շարժումը սատարելու համար․․․
ԵԽ-ն սպանված լրագրողի անվան մրցանակ է սահմանել, որը երկրի վարչապետին մեղադրել էր Ալիեւի հետ կոռուպցիոն կապերի մեջ
Ուրբաթ Եվրախորհրդարանը հետաքննող լրագրության ոլորտում սահմանել է Դաֆնա Կարուանա Գալիցիայի անվան մրցանակ․․․
NYT. Լրագրողները համավարակի պայմաններում վախենում են ուղեկցել Թրամփին ուղեւորությունների ժամանակ
Ընդ որում, թերթը նախագահ Դոնալդ Թրամփին անվանել է «կանոնների ամենահայտնի խախտող»․․․
Ամերիկյան խոշոր պարբերականներն իրենց լրագրողներին արգելել են մասնակցել Թրամփի նախընտրական միջոցառումներին
ArmNews հեռուստաալիքի նկարահանող խումբը այցելել է Ղարաբաղում վիրավորված ռուս լրագրողին
Հիշեցնենք, որ ադրբեջանական զինված ուժերի կողմից Շուշիի Ղազանչեցոց եկեղեցու (Սուրբ Քրիստոս Ամենափրկչի տաճար) հրթիռակոծման հետեւանքով․․․
Ամենաշատ