News
Լրահոս
News
Հինգշաբթի
Հոկտեմբեր 22
USD
494.31
EUR
584.77
RUB
6.42
ME-USD
0.01
Տեսնել լրահոսը

Սեպտեմբերի 26-ից 27-ը CyHub Armenia նախաձեռնության շրջանակում «Ձեռնարկությունների ինկուբատոր» հիմնադրամի կողմից Հայաստանում կկազմակերպվի միջազգային և ամբողջությամբ առցանց Capture the Flag կիբեռանվտանգության մրցույթը, որին բացի հայկական թիմերից, կարող են մասնակցել նաև թիմեր ամբողջ աշխարհից:

Մրցույթը կտևի 24 ժամ։ Լավագույն 3 թիմերը կարժանանան դրամական մրցանակների՝ միջոցառման կազմակերպիչների կողմից։

Մրցույթին մասնակցության մանրամասներին կարելի է ծանոթանալ այստեղ։  Հայտադիմումը հասանելի է այստեղ։

«Հաշվի առնելով կարանտինային պայմաններում հնարավոր վտանգները, որոշեցինք մրցույթն ամբողջությամբ առցանց իրականացնել և միջազգային թիմերին նույնպես հնարավորություն տալ մասնակցել։ Չնայած առցանց ձևաչափին՝ կունենանք միջոցառման շապիկներ, սթիքերներ, որոնք, ցանկության դեպքում, կտրամադրվեն տեղացի մասնակիցներին։ Բոլոր ցանկացողները կարող են հետևել միջոցառման հեռարձակմանը, որի ընթացքում կունենանք նաև տարբեր հետաքրքիր հյուրեր:

Հավելեմ, որ հայաստանյան թիմերը կստանան նաև մասնակցության վկայագրեր, որոնք կհանձնվեն մրցույթի ավարտական միջոցառման ժամանակ, որն արդեն կանցկացվի օֆլայն ձևաչափով»,- նշել է «Ձեռնարկությունների ինկուբատոր» հիմնադրամի ծրագրերի ղեկավար, CyHub Armenia նախաձեռնության համակարգող Մարի Բարսեղյանը:

Capture the Flag-ը համակարգչային անվտանգության միջազգային ձևաչափի մրցույթ է: Այն նպատակ ունի կրթական վարժությունների և առաջադրանքների միջոցով ապահովել համակարգչի անվտանգությունը, ինչպես նաև իրականացնել և արձագանքել այնպիսի կիբեռհարձակումների, որոնք հնարավոր է, որ պատահեն իրական կյանքում:

CyHub Armenia նախաձեռնությունն իրականացվում է «Ձեռնարկությունների ինկուբատոր» հիմնադրամի կողմից՝ ԵրՄՄԳՀԻ-ի, Հայաստանի ազգային պոլիտեխնիկական համալսարանի, Համաշխարհային բանկի, ՀՀ բարձր տեխնոլոգիական արդյունաբերության նախարարության, ISTC-ի, CISCO-ի և IBM-ի աջակցությամբ։

Տպել
Կարդացեք նաև
Ամբողջը
2019-ի հուլիսից ի վեր առաջին անգամ բիթքոինը դանդաղեցրել է աճի տեմպերը
Բիթքոինի արժեքը թանկացել է 4.69 տոկոսով` կազմելով 12 804 դոլար...
Կորեացի գործարարն իր բիզնեսը տեղափոխել է Հայաստան եւ մտադիր չէ հեռանալ (ֆոտո)
Ընկերությունում բոլորը լավատես են այն հարցում, որ պատերազմը շուտով կավարտվի...
ՀՏՖ-ն նոր տեխնոլոգիաների պատճառով 85 միլիոն աշխատողի կորուստ է կանխատեսել
Սակայն նույն ժամանակահատվածում կարող է շուրջ 97 միլիոն նոր աշխատատեղ հայտնվել...
Բիթքոինի արժեքն աճում է միջինում 4 տոկոսով
Binance բորսայում բիթքոինը թանկացել է 3.98 տոկոսով եւ հասել 12259 ԱՄՆ դոլարի...
Հայաստանի ռազմարդյունաբերության համալիրն աշխատում է ողջ ծավալով եւ 24֊ժամյա ռեժիմով. ՀՀ ԲՏԱ նախարարություն
Գիտակցելով ողջ պատասխանատվությունը՝ ՌԱԿ ընկերությունները 24/7 ռեժիմով իրականացնում են բազմաբնույթ աշխատանքներ՝ վնասված…
Google-ն ընկերության դեմ ԱՄՆ արդարադատության նախարարության հակամենաշնորհային հայցը «խորապես սխալ» է համարում
Ամերիկայի հակամենաշնորհային օրենքը կոչված է աջակցել ինովացիաներին եւ օգնել սպառողներին․․․
Ամենաշատ