Ռուսաստանում Հայաստանի դեսպան Վարդան Տողանյանը եւ ՀՀ տարբեր գերատեսչությունների ներկայացուցիչներ դեսպանությունում հանդիպում են անցկացրել «Հայկական իրավապաշտպանական ասոցիացիայի» ներկայացուցիչների հետ, ովքեր փաստաբանական օգնություն են տրամադրում հուլիսին Մոսկվայում եւ Մոսկովյան մարզում տեղի ունեցած իրադարձությունների հետեւանքով ձերբակալված ՀՀ քաղաքացիներին:
Դեսպանության հաղորդագրության համաձայն, հանդիպմանը քննարկվել են ձերբակալված անձանց իրավունքների եւ շահերի պաշտպանությանը վերաբերող հարցեր:
Հիշեցնենք, որ յոթ քաղաքացու ձերբակալությունը կապված է այս տարվա հուլիսին տեղի ունեցած միջադեպի հետ:
