News
Լրահոս
News
Շաբաթ
Հոկտեմբեր 31
USD
493.6
EUR
576.08
RUB
6.24
ME-USD
0.01
Տեսնել լրահոսը

Սան Ֆրանցիսկոյի հայկական եկեղեցուն պատկանող կենտրոնում վերջերս բռնկված հրդեհը վերջին երկու ամսվա ընթացքում քաղաքի հայկական համայնքի հետ կապված երեք միջադեպերից մեկն է, որոնք ոստիկանությունը հետաքննում է որպես ատելության հիմքով հանցագործություններ, հայտնում է San Francisco Chronicle-ը:

Սան Ֆրանցիսկոյի ոստիկանության հրկիզումների օպերատիվ խումբը հրդեհը, որի հետեւանքով այրվել էր Լորել Հայթսում Հայ Առաքելական Սուրբ Գրիգոր եկեղեցու հարակից ծխական գրասենյակը, հետաքննում է որպես ատելության հիմքով հանցագործություն: Երկու մյուս միջադեպերը կապված են Պարկմերսեդ շրջանում գտնվող հայկական դպրոցի հետ:

Սեպտեմբերի 19-ին` հրդեհից երկու օր անց, ոստիկանությունը հաղորդում էր ստացել դպրոցից դուրս կրակոցների մասին եւ փողոցային ցուցանակի վրա փամփուշտի հետքեր էր հայտնաբերել: Հուլիսին դպրոցի պատերին ատելություն պարունակող գրաֆիտիներ էին հայտնվել:

Հակահայկական հանցագործությունների շարքը խորը անհանգստություն է առաջացնում թաղամասի համախմբված հայկական համայնքի շրջանում: Պետական պաշտոնյաները, այդ թվում` նահանգապետ Գեվին Նյուսոմը, Ներկայացուցիչների պալատի խոսնակ Նենսի Փելոսին, կոնգրեսականներ Ադամ Շիֆայը եւ Զեքի Սփայերը դատապարտել են վերջին օրերի բռնությունը հայ համայնքի նկատմամբ:

Սան Ֆրանցիսկոյի շրջանային դատախազ Չեսա Բուդինը միջադեպը որպես «վախկոտ ու հանցավոր վարքի զարհուրելի ակտ» է որակել:
Անցյալ շաբաթ տեղի ունեցած հրդեհը ոչնչացրել էր կիրակնօրյա դպրոցի դասասենյակները, գրադարանը, խորհրդակցությունների սենյակները եւ եկեղեցական գրասենյակները:

Այս եւ մյուս միջադեպերի առնչությամբ ձերբակալվածներ դեռ չկան: Ոստիկանության վարչությունը ուժեղացրել է անվտանգությունը` գիշերային պարեկություն կազմակերպելով հայկական եկեղեցիների, դպրոցների եւ Հայոց ցեղասպանության հիշատակին խաչքարի մոտ:
Հայկական մշակութային հիմնադրամը 25.000 ԱՄՆ դոլարի պարգեւտրում է առաջարկում յուրաքանչյուրին, ով տեղեկատվություն կտրամադրի, որը կհանգեցնի միջադեպերում ներգրավված անձանց ձերբակալմանը եւ դատապարտմանը, ասել է հիմնադրամի կառավարման խորհրդի անդամ Աբրահամ Փանոսյանը:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բարսելոնայում բախումներ են տեղի ունեցել. կան տուժածներ
Նշվում է, որ ցուցարարները ոստիկանների ուղղությամբ քարեր եւ հրավառություն են նետել...
Չինաստանում տղամարդը դանակով ներխուժել է հիվանդանոց, հարձակվել մարդկանց վրա եւ ինքնասպան եղել
Հաղորդվում է, որ տղամարդն ավելի վաղ բուժում է անցել այդ հիվանդանոցում...
Սպիտակի բժշկական կենտրոնում պայթյուն տեղի չի ունեցել․ ԱԻՆ
Դեպքի վայր է մեկնել ԱԻՆ ՓԾ մարզային փրկարարական վարչության օպերատիվ խումբը…
Սպիտակի ԲԿ-ում տեղի ունեցած պայթյունի հետեւանքով տուժածներ չկան. ԱԻՆ
Այս պահին դեպքի վայրում աշխատում են ԱԻՆ-ի աշխատակիցները, հավելեցին…
Սպիտակի ԲԿ-ում տեղի է ունեցել պայթյուն. Նախնական տեղեկություններով` թթվածնի մատակարարման համակարգն է պայթել. ԱՆ խոսնակ
Դեպքի մանրամասները պարզվում են և ավելի ուշ կտրվի լրացուցիչ տեղեկատվություն...
Ռազմական ոստիկանները հայտնաբերել են զենք-զինամթերք. ՀՀ ՊՆ
Փաստական հանգամանքները ճշտվում են, ՀՀ ՊՆ ՌՈ Սիսիանի բաժնում նախապատրաստվում են նյութեր...
Ամենաշատ