Կոնեկտիկուտի բնակիչը մեղադրվում է իր շանը պաշտպանելու փորձի համար արջին սպանելու մեջ։
26-ամյա Ուիլյամ Օ՛Քոնորը կրակել եւ սպանել է էգ սեւ արջին, երբ Թոմաստոնում գտնվող իր տան մոտ նրա շունը վազել է դեպի կենդանին ու նրա ձագերը, հաղորդում է Connecticut Post-ը:
«Շունը սկսել է հաչել, եւ արջը իր երկու ձագերին ծառն է բարձրացրել ու սկսել է բարձր ձայներ արձակել՝ կարծելով, որ նրանք վտանգի մեջ են»,- ասել է նահանգի էներգետիկայի եւ շրջակա միջավայրի պահպանության նախարարության մամուլի քարտուղարը:
Նրա խոսքով, դա դրդել է Օ'Քոնորին վերցնել ինքնաձիգը եւ կրակ բացել արջի ուղղությամբ:
Ինչպես հայտնում է Hartford Courant-ը, Օ'Քոնորին դատարան ներկայանալու ծանուցում է ուղարկվել՝ սեւ արջի ապօրինի սպանության համար, որը պատժվում է մինչեւ 500 դոլար տուգանքով եւ մինչեւ 30 օր ազատազրկմամբ:
Պետական պաշտոնյաների գնահատմամբ՝ կոնեկտիկուտով մեկ շրջում են շուրջ 800 սեւ արջեր: Օրենսդիրները քննարկել են ինչպես վերահսկել դրանց բազմացումը, այդ թվում` թույլ տալ արդյոք արջի որսը Լիչֆիլդ շրջանում` նրանց թիվը կրճատելու համար: