Հռոմի պապը Կովկասում խաղաղության եւ ուժի գործադրումը մերժելու կոչ է արել՝ Լեռնային Ղարաբաղում տիրող իրավիճակի ֆոնին։ Այս մասին պոնտիֆիկն ասել է կիրակի օրը ավանդական քարոզի ժամանակ՝ Սուրբ Պետրոսի հրապարակում դիմելով հավատացյալներին, հայտնում է ՏԱՍՍ-ը:
«Տագնապալի լուրեր են գալիս Կովկասից: Ես աղոթում եմ այս տարածաշրջանում խաղաղության համար եւ դիմում եմ հակամարտության կողմերին՝ հստակ քայլեր ձեռնարկել եղբայրության եւ բոլոր խնդիրների լուծման ուղղությամբ՝ առանց ուժի կիրառման»,- ասել է Հռոմի պապը:
