Հակամարտության ժամանակ Լեռնային Ղարաբաղը ճանաչելու հնարավորության մասին հայտարարությունն անխոհեմ է, համարում է Պետդումայի՝ ԱՊՀ գործերով առաջին փոխնախագահ Վիկտոր Վոդոլացկին:
Նա նշել է, որպեսզի Հայաստանը ճանաչի Ղարաբաղը, Երեւանն ու Բաքուն ՌԴ միջնորդությամբ պետք է նստեն բանակցությունների սեղանի շուրջ եւ կարգավորեն տարածքային վեճի բոլոր հարցերը, որպեսզի անգամ հանրապետությունը ճանաչելու դեպքում ոչ մեկն այլեւս հնարավորություն չունենա հրահրել զինված հակամարտություն:
«Բնականաբար, այն, ինչ այսօր այնտեղ տեղի է ունենում, այն, որ սկսվում է արդեն այնպիսի հակամարտություն, որը կարող է վերաճել ավելի ուժեղ զինված հակամարտության, դա արդեն վատ է: Այդ հակամարտության ֆոնին այդպիսի հայտարարություններ անելն, ըստ իս, երեւի, անխոհեմ է: Նախ պետք է որոշել Լեռնային Ղարաբաղի, դրա ճանաչման ռազմավարությունը, սակայն հենց խաղաղ ճանապարհով, որպեսզի այս կամ այն կողմն այլեւս ցանկություն կամ հնարավորություն չունենա մանիպուլացնել այս կամ այն տարածքով»,-ասել է Վոդոլացիկն ՌԻԱ Նովոստի-ին:
Հիշեցնենք, որ ավելի վաղ վարչապետ Նիկոլ Փաշինյանը հայտարարել էր, որ Հայաստանը մտադիր է լրջորեն քննարկել Լեռնային Ղարաբաղի անկախությունը ճանաչելու հարցը:
