Մեքսիկայում COVID-19-ի հետեւանքով մահացածների թվի մասին վերջնական տվյալները հասանելի կլինեն 2 տարի հետո։ Այս մասին հայտարարել է երկրի առողջապահության նախարարի օգնական Ուգո Լոպես-Գատելը, փոխանցում է AP-ն։
Նրա հայտարարությունը, հավանաբար, կաշխուժացնի Մեքսիկայում մահացածների թվաքանակի շուրջ բանավեճերը, որը ներկայումս կազմում է 76 430։
«Ե՞րբ պատրաստ կլինեն COVID-19-ի հետեւանքով մահվան դեպքերի մասին վերջնական վիճակագրական տվյալները։ Իհարկե, 2 տարի հետո»,- ասել է Լոպես-Գատելը՝ հավելելով, որ աշխատանքը վերապահվելու է երկրի վիճակագրության ինստիտուտի հայեցողությանը։
Նախկինում պաշտոնատար անձինք ընդունել էին, որ այդ թիվը զգալիորեն նվազեցված է, որովհետեւ ներառում է միայն նրանց, ովքեր մահացել են թեստի դրական արդյունքից հետո։ Բայց Մեքսիկայում անչափ քիչ քանակությամբ են թեստեր անցկացնում, եւ մարդկանցից շատերը մահանում են՝ այն չանելով։
