Բարեկամնե՛ր, ես ամաչում եւ ցավում եմ տեղի ունեցածի պատճառով։ Այս մասին իր Facebook-յան էջում նշել է իսրայելցի բլոգեր Արեքսանդր Լապշինը։
«Երեկ Իսրայելում սկսվեց, այսպես կոչված, Դատաստանի օրը, որի ժամանակ հրեաները, ավանդույթի համաձայն, պիտի մեղա գան եւ ներողություն խնդրեն նրանցից, ում ցավ եւ տառապանք են պատճառել։ Դատաստանի օրը Իսրայելում տրանսպորտի երթեւեկությունը գրեթե դադարում է, չեն գործում զվարճանքի հաստատությունները, դադարեցվում է հեռուստատեսության հեռարձակումը եւ ռադիոհեռարձակումը։ Ավելին՝ հիմա նշվում է Եգիպտոսի եւ Սիրիայի հետ 1973 թվականի արյունահեղ պատերազմի տարելիցը, երբ զոհվել էր ավելի քան 2500 իսրայելցի զինվոր։
Բայց երեկ՝ անգամ Դատաստանի օրը եւ անցած գիշերվա ընթացքում Իսրայելի հարավում Ուվդա ռազմական օդանավակայանում վայրէջք են կատարել եւ օդ բարձրացել Silk Way ադրբեջանական ընկերության օդանավերը՝ ռազմական նշանակության բեռներով, որոնք մահ են տանում Արցախի խաղաղ բնակիչներին։
Բարեկամնե՛ր, ես ամաչում եւ ցավում եմ տեղի ունեցածի պատճառով։
Բայց նաեւ ցանկանում եմ Հայաստանի ԱԳՆ-ին եւ Իսրայելում Հայաստանի դեսպանին հարցնել՝ դուք պե՞տք է այս փաստին ինչ-որ կերպ արձագանքեք։ Առայժմ զգացողություն ունեմ, որ Իսրայելում Հայաստանի դեսպանատունը քնի մեջ է հրեական Դատաստանի օրվա առիթով եւ տեղի ունեցողին ոչ մի կերպ չի արձագանքում»։
