Մոլդովայի նախագահ Իգոր Դոդոնը դիմել է Հայաստանի եւ Ադրբեջանի ղեկավարությանը՝ կրակը դադարեցնելու կոչով, փոխանցում է «ՌԻԱ Նովոստի»-ն։
«Մեզ մտահոգում է այն, ինչ Ղարաբաղում տեղի է ունենում Ադրբեջանի եւ Հայաստանի միջեւ։ Երկու երկրներն էլ Մոլդովայի համար բարեկամական են, մենք լավ շփումներ ունենք, այդ թվում՝ նաեւ ամենաբարձր մակարդակով։ Մենք կոչ ենք անում կրակը դադարեցնել, հանդարտության եւ խաղաղության կոչ ենք անում»,- ասել է Դոդոնը։
Երկրի նախագահն առանձին դիմել է Մոլդովայում բնակվող հայկական եւ ադրբեջանական սփյուռքներին։ «Մենք պետություն ենք, որտեղ շատ ազգություններ խաղաղության մեջ են ապրում, ուստի բոլորին կոչ եմ անում հանդարտություն պահպանել։ Հասկանում են, որ բարդ իրավիճակ է, էմոցիաները շատ են, բայց ձեզ եմ դիմում՝ սիրելի՛ քաղաքացիներ, ադրբեջանցինե՛ր եւ հայե՛ր, այդ հակամարտությունը Մոլդովայի տարածք մի՛ տեղափոխեք, մեզ մոտ պետք է հանդարտ լինի՝ առանց բողոքի ցույցերի եւ ապակայունացման»,- շեշտել է Դոդոնը։
