News
Լրահոս
News
Հինգշաբթի
Մարտ 28
Տեսնել լրահոսը


Թուրքիան Ղարաբաղի դեմ Ադրբեջանի լայնածավալ ագրեսիայի անմիջական մասնակից է: Այս մասին սեպտեմբերի 28-ին կայացած ճեպազրույցում ասաց ՀՀ ԱԳՆ մամուլի քարտուղար Աննա Նաղդալյանը:

Նրա խոսքերով, երեկվանից Հայաստանի ամբողջ դիվանագիտական ծառայությունն աշխատում է արտակարգ ռեժիմով: Արտաքին գործերի նախարար Զոհրաբ Մնացականյանը մոտ երկու տասնյակ հեռախոսազրույց է ունեցել իր գործընկերների հետ, վարչապետն՝ իր մակարդակով: «Սա չպետք է ընդունվի որպես միանվագ հեռախոսային խոսակցություններ: Բանն այն է, որ Հայաստանը մշտական կապի մեջ է միջազգային հանրության հետ, տեղեկացնում է տարածաշրջանում ապակայունացման սպառնալիքի մասին: Միջազգային հանրության կողմից եղավ հստակ արձագանք` ուժի գործադրման դատապարտում եւ կայունությունը խաթարելու փորձեր: Հանդիպելով համաշխարհային հանրության այս դիրքորոշմանը՝ Բաքուն դիմեց ավանդական քաղաքականության՝ մեղադրելով Հայաստանին ագրեսիայի մեջ: Սա առաջին անգամը չէ, որ բախվում ենք դրան: Մենք ունենք անառարկելի փաստեր այն մասին, թե ով է սկսել ռազմական գործողությունները: Երկար տարիներ, կոպտորեն խախտելով հրադադարի համաձայնագիրը եւ մերժելով միջադեպերի հետաքննման մեխանիզմներ ներդնելու առաջարկը, Ադրբեջանը, ըստ էության, ցույց է տալիս, որ իր բոլոր գործողությունները նման ծրագրերը քողարկելու համար են, եւ միշտ պատրաստել է նման ագրեսիայի»,- ասաց Աննա Նաղդալյանը:

Մամուլի քարտուղարը հայտարարեց, որ Իլհամ Ալիեւը փաստացի հրաժարվել է խաղաղ կարգավորումից: Թուրքիան, որը միշտ աջակցել է Ադրբեջանին, այս անգամ գործել է որպես նոր մասնակից՝ որպես անմիջական մասնակից: Թուրք հրահանգիչները գործնական օգնություն են ցուցաբերում ադրբեջանական բանակին, տեղեկություններ կան Թուրքիայի կողմից Ադրբեջան վարձկաններ տեղափոխելու մասին, օգնությունը տրամադրվում է զենքով եւ տեխնիկայով: Ըստ մամուլի քարտուղարի, դա թույլ է տալիս պնդել, որ Արցախի ժողովուրդը պայքարում է ադրբեջանա-թուրքական տանդեմի դեմ: Ավելին, վերջինս շարունակում է հարյուր տարի առաջ սկսված ցեղասպան քաղաքականությունը՝ Ադրբեջանին ներգրավելով դրանում: Սակայն, ինչպես ընդգծեց Աննա Նաղդալյանը, Հայաստանն ու Արցախը կօգտագործեն բոլոր հնարավորությունները եւ վճռական են դիմակայելու հարցում:

Նա նաեւ ասաց, որ գործընկեր երկրները տեղեկացված են Թուրքիայի գործողությունների մասին, ԱԳՆ-ն մշտական կապի մեջ է ԵԱՀԿ Մինսկի խմբի համանախագահների եւ համանախագահող երկրների հետ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Անհայտ կորած եւ գերեվարված 11 զինծառայողների ընտանիքները եւս 2 ամիս կստանան 300-հազարական դրամ աջակցությունը
Կառավարությունն իր այսօրվա՝ մարտի 28-ի նիստում որոշում կայացրեց, որով…
Լեմկինի ինստիտուտը մտահոգություն է հայտնել, որ Ադրբեջանի վարչախումբը կարող է հաշվեհարդար տեսնել հայ գերիների հետ
Հաշվի առնելով այդ անձանց նկատմամբ մարդու իրավունքների լրջագույն խախտումների բարձր ռիսկայնությունը…
ՄԱԿ-ի հարկադիր և ակամա անհետացածների հարցերով աշխատանքային խմբին են ներկայացվել ութ հայ զինվորականների գործեր
Բոլոր գործերը ներկայացվել են տուժողների ընտանիքների հետ համագործակցաբար։ ՄԱԿ-ի մարդու իրավունքների խորհրդի կողմից ստեղծված հիշյալ աշխատանքային...
Ադրբեջանցիների կողմից հայերի գլխատումը նրանց ընտանիքի անդամներին հոգեկան տառապանք պատճառելու համատարած մեթոդ է. Զեկույց
Բացի այդ՝ զեկույցում անդրադարձ կա Ադրբեջանում բարձրաստիճան պաշտոնյաների կողմից հանցագործներին ուղղված գովասանքին...
Առանց Ռուսաստանի օգնության Ադրբեջանը չէր կարողանա վերադարձնել Ղարաբաղը. ադրբեջանցի քաղաքագետ
Նա մեկնաբանել է Ռուսաստանի դերը 44-օրյա պատերազմի ժամանակ...
Յունուսով. Ուկրաինան Ադրբեջանին զենք է մատակարարել Հայաստանի հետ պատերազմի ժամանակ
Ադրբեջանը, համաձայնեցնելով Թուրքիայի և Մոլդովայի հետ, Կիևին մատակարարել է նաև Բայրաքթարներ և այլ...
Ամենաշատ