ՄԱԿ գլխավոր քարտուղար Անտոնիո Գուտերեշը բանակցություններ է վարել Ադրբեջանի նախագահ Իլհամ Ալիեւի հետ, որի ընթացքում նա կոչ է արել անհապաղ դադարեցնել կրակը Լեռնային Ղարաբաղում: Ինչպես երկուշաբթի կայացած ճեպազրույցում ասել է ՄԱԿ գլխավոր քարտուղարի պաշտոնական ներկայացուցիչ Ստեֆան Դյուժարիկը, երկուշաբթի նախատեսվում է նաեւ գլխավոր քարտուղարի զրույցը ՀՀ վարչապետ Նիկոլ Փաշինյանի հետ, հաղորդում է ՏԱՍՍ-ը:
«Գլխավոր քարտուղարը հենց նոր զրուցել է Ադրբեջանի նախագահի հետ, եւ շատ շուտով նա կխոսի Հայաստանի վարչապետի հետ»,- ասել է Դյուժարիկը: «Հայաստանի վարչապետի հետ զրույցի ընթացքում նա կկրկնի նույն հայտարարությունը, որը հնչեցրել է Ադրբեջանի նախագահի հետ զրույցում՝ ռազմական գործողությունների անհապաղ դադարեցման կոչ՝ առանց նախապայմանների՝ ԵԱՀԿ Մինսկի խմբի հովանու ներքո բանակցությունները շարունակելու համար»: