ԱՀԿ Եվրոպայի տարածաշրջանային բյուրոյի տնօրեն Հանս Կլուգեն չի բացառել, որ կորոնավիրուսը կարող է սեզոնային վարակ դառնալ:
«Դա հնարավոր է։ Ճիշտն ասած, ես չգիտեմ, թե երբ դա կարող է պատահել, բայց ես լավատես եմ: Սա նշանակում է, որ ես հույս ունեմ ամենալավի, բայց պատրաստվում եմ ամենավատին»,- ՏԱՍՍ-ին տված հարցազրույցում ասել է Կլուգեն՝ պատասխանելով համապատասխան հարցին:
Կորոնավիրուսից հարուցված հիվանդության բռնկումը գրանցվել է 2019-ի վերջին՝ կենտրոնական Չինաստանում, տարածվել է երկրների մեծ մասում եւ ԱՀԿ-ի կողմից մարտի 11-ին ճանաչվել է համավարակ: Համավարակի սկզբից աշխարհում ավելի քան 32,8 միլիոն մարդ վարակվել է կորոնավիրուսով, ավելի քան 994 հազար մարդ մահացել է: