Երեքշաբթի առավոտյան ոսկու գինը կայուն է, շուկաներն իրենց ուշադրությունն ուղղորդել են ԱՄՆ նախագահ Դոնալդ Թրամփի եւ հավակնորդ Ջո Բայդենի միջեւ հեռուստաբանավեճին, այս մասին վկայում են սակարկությունների տվյալները, փոխանցում է «Փրայմը»։
Մոսկվայի ժամանակով 8.46-ի դրությամբ Comex նյույորքյան բորսայում ոսկու դեկտեմբերյան ֆյուչերսի գինը աճում է խորհրդանշական 0,02 տոկոսով կամ 0,3 դոլարով, տրոյական ունցիայի դիմաց մինչեւ 1882,6 դոլար, արծաթի դեկտեմբերյան ֆյուչերսը թանկանում է նույնպես խորհրդանշական ընդամենը 0,05 տոկոսով՝ ունցիայի դիմաց մինչեւ 23,615 դոլար։
Երեքշաբթի ավելի ուշ սկսվելու է նախընտրական բանավեճը Թրամփի եւ Բայդենի միջեւ։ Հանրային կարծիքի հարցումների արդյունքներով Թրամփը Բայդենից զգալիորեն հետ է մնում, եւ բանավեճի ժամանակ, ինչպես սպասվում է, հարձակվելու է մրցակցի վրա։