«Սպրավեդլիվայա Ռոսիա» կուսակցության առաջնորդ Սերգեյ Միրոնովը կարծում է, որ հրադադարի հաստատումից եւ սպառազինությունների կազմալուծումից հետո հնարավոր է, որ ռուս խաղաղապահներ տեղակայվեն Լեռնային Ղարաբաղում, հաղորդում է «ՌԻԱ Նովոստի»-ն:
«Իմ կողմից ավելացնեմ, որ, ցավոք, մենք տեսնում ենք, որ արտաքին ուժերը` այստեղ հեշտությամբ կարելի է կռահել, որ դրանք ինչ-որ վերացական ուժեր չեն, այլ ՆԱՏՕ-ի անդամ Թուրքիան ակնհայտորեն նպաստում է այս հակամարտության, երկարատեւ հակամարտության զարգացմանը... Կարծում եմ, որ, հնարավոր է, այն բանից հետո, երբ կողմերը համաձայնություն ձեռք կբերեն զինադադարի եւ սպառազինությունների կազմալուծման շուրջ, անհրաժեշտ կլինի դիմել խաղաղապահ ուժերին Ռուսաստանի Դաշնությունից»,- լրագրողներին ասել է քաղաքական գործիչը: