Հունգարիայի վարչապետ Վիկտոր Օրբանը նամակ է հղել Եվրահանձնաժողովին (ԵՀ)` պահանջելով աշխատանքից ազատել ԵՀ փոխնախագահ Վերա Յուրովային` երկրի հասցեին հրապարակային վիրավորական հայտարարությունների համար, հաղորդում է ՏԱՍՍ-ը` վկայակոչելով Reuters-ը:
«Ըստ փոխնախագահի [կարծիքի]` Հունգարիայում «հիվանդ ժողովրդավարություն» է ձեւավորվում, նա նաեւ վիրավորել է Հունգարիայի քաղաքացիություն ունեցող ԵՄ քաղաքացիներին` ասելով, որ նրանք անկախ կարծիք կազմելու իրավունք չունեն»,- գործակալությունը հատված է մեջբերում վարչապետի կողմից Եվրահանձնաժողովի ղեկավար Ուրսուլա ֆոն դեր Լյայենին ուղարկված նամակից:
